"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Swieq kapitali

Kif l-UE qed tiżviluppa unjoni tas-swieq kapitali biex tattira l-finanzjament għall-kumpaniji, iżżid l-għażliet ta' investiment għaċ-ċittadini u ssaħħaħ l-ekonomija. 

L-Unjoni tas-swieq kapitali hija l-inizjattiva tal-UE biex l-investiment u t-tfaddil jgħaddu mill-istati membri kollha.

L-għan huwa li jinħoloq suq uniku għall-kapital u li s-swieq kapitali Ewropej isiru post saħansitra aktar sikur biex isir investiment fihom.

Rappreżentazzjoni viżiva tal-flussi kapitali fl-UE, li turi konnessjonijiet bejn l-unitajiet domestiċi, in-negozji, l-istituzzjonijiet finanzjarji u l-entitajiet tal-gvern madwar l-Ewropa

L-approfondiment tas-swieq kapitali tal-UE

Is-swieq kapitali Ewropej għadhom frammentati, u b'hekk in-negozji u ċ-ċittadini jiġu mċaħħda mill-benefiċċji ta' sorsi kompetittivi u affidabbli ta' finanzjament u investiment.

Swieq kapitali miftuħa u li jiffunzjonaw tajjeb huma essenzjali għall-finanzjament tal-futur. Huma jappoġġaw it-tkabbir ekonomiku tal-UE u l-awtonomija strateġika tagħha u qed jidderieġu l-fondi għat-tranżizzjoni ekoloġika u dik diġitali.

X'qed tagħmel l-UE biex tiżviluppa aktar is-swieq kapitali tagħha

Tibni rabta aħjar bejn il-kumpaniji u l-investituri.

Tagħti opportunitajiet ta' investiment għall-investituri bl-imnut.

Issaħħaħ it-trasparenza tas-suq u tnaqqas il-piżijiet amministrattivi.

Iżżid il-kompetittività dinjija tal-UE.

Ittejjeb l-aċċess tal-kumpaniji għall-finanzjament u tiżgura l-protezzjoni tal-investituri.

Tagħti s-setgħa liċ-ċittadini permezz tal-litteriżmu finanzjarju.

L-UE ġabet magħha diversi miżuri leġiżlattivi biex tkompli tiżviluppa u tintegra s-swieq kapitali Ewropej. Dawn ġew introdotti f'pakketti u inizjattivi suċċessivi li jindirizzaw oqsma differenti tas-suq uniku għall-kapital.

L-istorja dwar kif inbniet unjoni tas-swieq kapitali

L-isforzi biex jiġi stabbilit suq uniku għall-kapital bdew bit-Trattat ta' Ruma aktar minn 60 sena ilu. Il-ħidma f'dan il-qasam intensifikat fis-snin 90 u 2000, waqt li l-moviment liberu tal-kapital sar wieħed mill-erba' libertajiet fundamentali tas-suq uniku fl-1992.

  • 1958

    It-Trattat ta' Ruma

    Sforzi inizjali biex jiġi stabbilit suq uniku għall-kapital.

  • 1992

    It-Trattat ta' Maastricht

    Iħaddan il-moviment liberu tal-kapital bħala waħda mill-erba' libertajiet fundamentali tas-suq uniku.

  • 1999

    Introduzzjoni tal-euro

  • 1999

    Pjan ta' Azzjoni għas-Servizzi Finanzjarji

    L-ewwel sforz komprensiv biex jinħoloq suq uniku għas-servizzi finanzjarji.

  • 2015

    Tnedija tal-inizjattiva biex tinbena unjoni tas-swieq kapitali (CMU)

    L-ewwel pjan ta' azzjoni għas-CMU jinkludi miżuri biex jinħoloq suq uniku verament integrat għall-kapital sal-2019.

  • 2020

    Pjan ta' azzjoni għas-CMU

    L-element kostitwenti li jmiss fit-tentattiv tal-UE biex tibni suq uniku għall-kapital.

  • 2021

    L-ewwel pakkett tal-unjoni tas-swieq kapitali

    Fih miżuri li jiżguraw aċċess aħjar għad-data, u regoli ta' investiment imġedda.

  • 2021

    Il-pakkett ta' rkupru tas-swieq kapitali

    Fih emendi mmirati biex tiġi ffaċilitata r-rikapitalizzazzjoni tal-kumpaniji tal-UE fis-swieq finanzjarji wara l-kriżi tal-COVID-19.

  • 2022

    It-tieni pakkett tal-unjoni tas-swieq kapitali

    Iġib miegħu proposti leġiżlattivi dwar is-servizzi tal-ikklirjar, l-insolvenza u r-regoli tal-elenkar.

Il-futur tas-swieq kapitali Ewropej

F'konformità mal-pożizzjoni tal-UE bħala l-akbar suq uniku fid-dinja, il-biċċa l-kbira tal-miżuri proposti ġew adottati. Minkejja dan, jeħtieġ li jsir aktar biex tinħoloq ekosistema tas-swieq kapitali Ewropej b'saħħitha.

Il-grupp tal-Euro identifika x'jeħtieġ li jsir biex jikkomplementa l-ħidma leġiżlattiva li għaddejja sabiex tinbena unjoni tas-swieq kapitali.

Lenti fuq il-karti tal-flus tal-euro u grafika tas-suq tal-istokks fl-isfond

L-aħħar spjegazzjonijiet

Mara bilqiegħda bil-laptop tagħha f'bozza illustrata.

Appoġġ għall-intrapriżi żgħar u ta' daqs medju (SMEs)

Karus blu u id titfa' munita fih.

Unjoni tat-tfaddil u tal-investimenti

Grafika stilizzata li turi bozza b'ger fuq ġewwa fuq ix-xellug u binja uffiċċji għoli fuq il-lemin, konnessi b'linja blu tiela' 'l fuq.

Nagħtu spinta lill-kompetittività tal-UE: it-triq 'il quddiem

L-aħħar reviżjoni: 15 ta' April 2026