Spjegazzjonijiet
Irfina r-riżultati
439 riżultat
Spjegazzjoni pass pass tan-negozjati dwar il-baġit fit-tul tal-UE
Il-kronoloġija ta' hawn taħt tispjega, pass pass, ir-rwol ta' kull istituzzjoni tal-UE involuta fl-adozzjoni tal-baġit fit-tul tal-UE, magħruf ukoll bħala l-qafas finanzjarju pluriennali (QFP).
Kif jaħdem it-tkabbir tal-UE
L-UE tintegra membri ġodda permezz tal-proċess ta' tkabbir ladarba jissodisfaw għadd ta' kundizzjonijiet politiċi u ekonomiċi. Kull pajjiż kandidat irid jissodisfa l-istess kundizzjonijiet u jieħu l-istess passi.
Il-baġit fit-tul tal-UE
Il-baġit fit-tul jew il-qafas finanzjarju pluriennali (QFP) jipprevedi l-finanzjament ta' programmi u azzjonijiet fl-oqsma politiċi kollha, mill-agrikoltura u l-politika reġjonali, sal-appoġġ lill-Ukrajna, it-teknoloġiji strateġiċi u l-migrazzjoni f'konformità mal-prijoritajiet fit-tul tal-UE.
Turkija
It-Turkija ngħatat status ta' kandidat f'Diċembru 1999 u bdiet in-negozjati tal-adeżjoni f'Ottubru 2005. Dawn in-negozjati ilhom wieqfa minn Ġunju 2018. L-UE u t-Turkija jikkooperaw f'oqsma ta' interess konġunt.
Georgia
Il-Georgia applikat għas-sħubija fl-UE f'Marzu 2022 u ngħatat l-istatus ta' kandidat f'Diċembru 2023. Il-proċess ta' adeżjoni waqaf de facto fl-2024. L-UE u l-Georgia jikkooperaw ukoll fil-kuntest tas-Sħubija tal-Lvant.
Ukrajna
L-UE u l-istati membri tagħha jinsabu magħqudin fl-appoġġ sod tagħhom għall-Ukrajna. In-negozjati tal-adeżjoni mal-Ukrajna nfetħu formalment f'Ġunju 2024. L-UE u l-Ukrajna jikkooperaw ukoll fis-Sħubija tal-Lvant.
Albanija
L-Albanija applikat għas-sħubija fl-UE f'April 2009 u ngħatat l-istatus ta' kandidat tal-UE f'Ġunju 2014. L-UE kellha l-ewwel konferenza intergovernattiva tagħha mal-Albanija f'Lulju 2022. S'issa, infetħu t-33 kapitoli tan-negozjati kollha u erbgħa ngħalqu proviżorjament.
Bożnija-Ħerzegovina
Il-Bożnija-Ħerzegovina applikat għas-sħubija mal-UE fi Frar 2016 u ngħatat l-istatus ta' kandidat tal-UE f'Diċembru 2022. Ladarba jintlaħaq il-livell meħtieġ ta' konformità mal-kriterji tas-sħubija, il-Bożnija-Ħerzegovina tista' tibda n-negozjati tal-adeżjoni.
Maċedonja ta' Fuq
Il-Maċedonja ta' Fuq applikat għas-sħubija fl-UE f'Marzu 2004 u ngħatat l-istatus ta' kandidat tal-UE f'Diċembru 2005. L-UE organizzat l-ewwel konferenza intergovernattiva tagħha mal-Maċedonja ta' Fuq f'Lulju 2022.
Il-faċilità għall-irkupru u r-reżiljenza
Il-Faċilità għall-Irkupru u r-Reżiljenza (RRF) hija l-komponent ewlieni ta' Next Generation EU. Huwa strument temporanju li jipprovdi għotjiet u self biex jappoġġa r-riformi u l-investimenti fl-istati membri tal-UE.
