Spjegazzjonijiet

L-UE żviluppat politiki ta' sostenibbiltà korporattiva għan-negozji, bl-għan li ttejjeb il-protezzjoni għall-ambjent u d-drittijiet tal-bniedem fl-UE u lil hinn minnha.

L-Unjoni Ewropea hija bbażata fuq trattati internazzjonali maqbula mill-pajjiżi kollha tal-UE. Maż-żmien, dawn it-trattati ddefinew progressivament ir-rwoli u r-responsabbiltajiet tal-Kunsill tal-UE u tal-Kunsill Ewropew.

Ir-regoli tal-UE dwar il-ġlieda kontra l-ħasil tal-flus u kontra l-finanzjament tat-terroriżmu jipproteġu s-sistema finanzjarja tagħha u jikkontribwixxu għas-sigurtà u t-tkabbir.

L-UE tiffaċilita l-akkwist komuni permezz ta' inizjattivi differenti. Il-kooperazzjoni bejn l-istati membri dwar l-akkwist fil-qasam tad-difiża ġġib magħha aktar effiċjenza u ffrankar tal-kostijiet.

Il-gwerra ta' aggressjoni tar-Russja kontra l-Ukrajna kkawżat kriżi tal-enerġija bla preċedent fl-Ewropa fl-2022. Il-pajjiżi tal-UE kienu magħqudin u r-rispons tagħhom għen biex il-prezzijiet jinżammu baxxi.

Is-sħubija bejn l-UE u l-UA tippromwovi futur paċifiku u għani abbażi ta' kooperazzjoni internazzjonali bbażata fuq ir-regoli.

Permezz tal-pjan REPowerEU, l-UE trid ittemm id-dipendenza tagħha fuq il-fjuwils fossili Russi billi tiffranka l-enerġija, tiddiversifika l-provvisti u taċċellera t-tranżizzjoni lejn enerġija nadifa.

L-UE qed tieħu azzjoni biex ittemm l-importazzjonijiet tal-enerġija Russa u tnaqqas id-dipendenza tagħha fuq l-enerġija, filwaqt li żżomm provvisti u prezzijiet tal-enerġija stabbli madwar l-Ewropa.

L-UE tappoġġa lill-poplu tal-Belarussja. Hija tikkundanna l-abbużi tad-drittijiet tal-bniedem fil-Belarussja, l-attakki ibridi tal-Belarussja kontra l-UE u l-involviment tagħha fil-gwerra ta' aggressjoni tar-Russja kontra l-Ukrajna.

Regoli ġodda tal-UE jagħtu aċċess lin-negozji ġodda u lill-SMEs għal supercomputers għall-ittestjar u l-iżvilupp tal-intelliġenza artifiċjali.