Spjegazzjonijiet

Il-Boxxla Strateġika tipprovdi gwida u viżjoni komuni għat-tisħiħ tal-politika ta' sigurtà u ta' difiża tal-UE sal-2030.

Il-PESCO tipprovdi qafas biex is-26 stat membru parteċipanti jippjanaw, jiżviluppaw u jinvestu b'mod konġunt fi proġetti ta' kapaċità kondiviża, u jsaħħu t-tħejjija operazzjonali u l-kontribut tal-forzi armati tagħhom.

L-UE tipproteġi l-interessi, iċ-ċittadini u l-valuri tagħha, filwaqt li tindirizza l-isfidi għas-sigurtà bħall-attakki fuq l-infrastruttura ta' taħt l-ilma, it-theddid ċibernetiku u r-riskji maħluqa mill-flotta mistura.

Il-politika tal-UE dwar iċ-ċiberdifiża għandha l-għan li ssaħħaħ il-kooperazzjoni u l-investimenti biex tidentifika, tiskoraġġixxi, u tipproteġi u tiddefendi aħjar kontra għadd dejjem jikber ta' attakki ċibernetiċi.

L-UE tirrikonoxxi n-natura strateġika tal-ispazju u li l-ispazju huwa kruċjali għal-libertà ta' azzjoni u t-teħid awtonomu ta' deċiżjonijiet tal-UE fis-sigurtà u d-difiża.

Il-Faċilità Ewropea għall-Paċi (EPF) hija strument li għandu l-għan li jsaħħaħ il-kapaċità tal-UE li tipprevjeni l-kunflitti, tibni u tippreserva l-paċi u ssaħħaħ is-sigurtà u l-istabbiltà internazzjonali.

Id-diġitalizzazzjoni ġġib magħha opportunitajiet, iżda wkoll theddid ċibernetiku. Biex tiġġieled kontra dawn, l-UE żviluppat strateġija dwar iċ-ċibersigurtà u nediet inizjattivi biex issaħħaħ is-sigurtà u r-reżiljenza.