"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
L-euro diġitali: sitwazzjoni attwali f'ekosistema ta' pagamenti li qed tinbidel
Il-ministri skambjaw il-fehmiet tagħhom dwar il-fatturi politiċi ewlenin li jsawru l-euro diġitali fil-kuntest usa' tas-sistemi ta' pagament Ewropej, wara preżentazzjonijiet mill-Bank Ċentrali Ewropew (BĊE) u aġġornamenti mill-Kummissjoni Ewropea u mill-Presidenza tal-Kunsill.
Kwalunkwe deċiżjoni biex tiġi introdotta euro diġitali jkollha tiżgura li l-euro tibqa' adatta f'dinja diġitali u tal-pagamenti li qed tinbidel malajr.
Il-kompetittività taż-żona tal-euro: diskussjoni mmirata lejn il-finalizzazzjoni tal-fluss ta' ħidma
Il-ministri kellhom diskussjoni bl-għan li joqorbu lejn il-finalizzazzjoni tal-fluss ta' ħidma li jdum sena dwar il-kompetittività tal-ekonomija Ewropea.
Il-President tal-Grupp tal-Euro stabbilixxa l-messaġġi ewlenin emerġenti għal abbozz ta' dikjarazzjoni u involva ruħu fi skambju ta' fehmiet mal-ministri abbażi ta' dan.
L-objettiv tagħna fil-Grupp tal-Euro huwa li nipprovdu viżjoni strateġika u trasversali dwar xi prijoritajiet ta' politika kondiviżi b'mod komuni fost il-ministri tal-finanzi, li min-naħa tagħha tista' tiġġenera momentum ġdid għall-isforzi kemm fil-livell nazzjonali kif ukoll f'dak Ewropew.
Paschal Donohoe, President tal-Grupp tal-Euro
Unjoni tas-swieq kapitali: rendikont
Il-ministri ddiskutew is-segwitu għad-dikjarazzjoni tal-Grupp tal-Euro dwar il-futur tal-unjoni tas-swieq kapitali minn Marzu 2024, b'enfasi fuq miżuri biex jiġi ffaċilitat l-aċċess għas-swieq kapitali għal kumpaniji żgħar u ta' daqs medju.
Il-President tal-Bank Ewropew tal-Investiment (BEI) Nadia Calviño infurmat lill-ministri dwar l-inizjattivi tal-BEI f'dan il-kuntest.
Iż-żamma tal-momentum politiku fuq l-unjoni tas-swieq kapitali hija prijorità importanti għall-Grupp tal-Euro. F'Novembru ser nerġgħu lura għal dan u nivvalutaw il-passi differenti li ttieħdu fil-livell nazzjonali minn meta bdejna dan il-proġett ftit inqas minn sena ilu.
Il-President tal-Grupp tal-Euro ddeskriva l-punti ewlenin fl-ittra tiegħu lill-President tas-Summit taż-Żona tal-Euro, fejn irrapporta dwar il-ħidma tal-Grupp tal-Euro minn Marzu 2024 u ddeskriva l-pjanijiet għax-xhur li ġejjin.
Tħejjija ta' laqgħat internazzjonali, inkluż dwar l-iżviluppi fil-qasam tar-rati tal-kambju
Il-Grupp tal-Euro rrieżamina l-iżviluppi ekonomiċi u tar-rati tal-kambju reċenti qabel il-laqgħat annwali tal-Bank Dinji u l-Fond Monetarju Internazzjonali, filwaqt li bena fuq analiżi mill-Kummissjoni u fehmiet mill-BĊE.
Mixxellanji
Prijoritajiet ta' politika tal-gvern Franċiż
Il-ministru Franċiż il-ġdid għall-ekonomija, il-finanzi u s-sovranità industrijali u diġitali, Antoine Armand, ippreżenta l-prijoritajiet ta' politika tal-gvern Franċiż il-ġdid.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
