"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Bħala parti minn sensiela ta' skambji ma' sħab internazzjonali ewlenin dwar l-iżviluppi ekonomiċi globali, il-Grupp tal-Euro kellu diskussjoni ma' Rachel Reeves, Chancellor of the Exchequer (Ministru għall-Finanzi) tar-Renju Unit.
Filmat tal-punti ewlenin mil-laqgħa tal-Grupp tal-Euro li saret fi Brussell fid-9 ta' Diċembru 2024
F'mumenti bħal dawn, huwa importanti ħafna li ssir enfasi mill-ġdid fuq dawk ir-relazzjonijiet li għandhom pedament ta' valuri, prospettiva u prijoritajiet ta' politika kondiviżi. Aħna lkoll tal-fehma li għandna sieħeb bħal dan fir-Renju Unit.
Paschal Donohoe, President tal-Grupp tal-Euro
F'format regolari:
Żviluppi makroekonomiċi u koordinazzjoni tal-politika fiż-żona tal-euro, inkluż il-missjoni fiż-żona tal-euro tal-Artikolu IV tal-Fond Monetarju Internazzjonali
Il-Grupp tal-Euro evalwa l-aħħar żviluppi makroekonomiċi u ddiskuta mal-Fond Monetarju Internazzjonali (FMI) dwar il-politiki taż-żona tal-euro. Ir-rieżami tal-FMI huwa mistenni jitlesta sa Ġunju 2025.
Valutazzjoni tal-abbozzi ta' pjanijiet baġitarji tal-istati membri u tas-sitwazzjoni ġenerali u l-prospetti baġitarji fiż-żona tal-euro
Il-ministri ddiskutew is-sitwazzjoni ġenerali u l-prospetti baġitarji fiż-żona tal-euro, u eżamina s-sitwazzjoni ekonomika u fiskali tal-istati membri taż-żona tal-euro.
Din id-diskussjoni kienet imsejsa fuq l-opinjonijiet tal-Kummissjoni Ewropea dwar l-abbozzi tal-pjanijiet baġitarji (DBPs) tal-istati membri taż-żona tal-euro u fuq il-komunikazzjoni tal-Kummissjoni dwar is-Semestru Ewropew 2025.
Ilkoll fakkarna fl-importanza ta' finanzi pubbliċi sodi u l-ħtieġa li lkoll inwettqu l-impenji baġitarji tagħna. Dan huwa fundamentalment dwar il-kapaċità tal-ekonomiji tagħna li jikbru, u jagħtina prospett aħjar għall-istandards tal-għajxien.
Paschal Donohoe, President tal-Grupp tal-Euro
L-eżitu ta' din id-diskussjoni kien rifless f'dikjarazzjoni tal-Grupp tal-Euro.
Tħejjija tal-impenn tal-President tal-Grupp tal-Euro mal-Parlament Ewropew
Il-President Donohoe informa lill-ministri dwar l-impenn ippjanat tiegħu mal-Parlament Ewropew, f'konformità mar-rekwiżiti l-ġodda ta' rappurtar skont il-qafas rivedut ta' governanza ekonomika.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
