"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Il-Grupp tal-Euro ddiskuta l-abbozz ta' rakkomandazzjoni tal-Kunsill dwar il-politika ekonomika taż-żona tal-euro għall-2026 bil-ħsieb li jiġi approvat mill-Kunsill Affarijiet Ekonomiċi u Finanzjarji l-għada.
Il-ministri qasmu l-fehmiet tagħhom dwar is-sitwazzjoni attwali u l-azzjonijiet politiċi possibbli biex jissaħħaħ ir-rwol internazzjonali tal-euro, bil-ħsieb li tiġi promossa s-sovranità monetarja Ewropea.
Ir-rwol internazzjonali tal-euro jiddependi ħafna mill-progress relatat mal-prijoritajiet attwali tal-Grupp tal-Euro, bħall-Unjoni tat-tfaddil u tal-investimenti u l-iżvilupp tal-finanzi diġitali.
Kyriakos Pierrakakis, President tal-Grupp tal-Euro
Ħatra tal-President tal-Grupp ta' Ħidma tal-Grupp tal-Euro
Il-Grupp tal-Euro ddeċieda li jerġa' jaħtar lis-Sur Tuomas Saarenheimo bħala President tal-Grupp ta' Ħidma tal-Grupp tal-Euro għar-raba' mandat ta' sentejn li jibda fl-1 ta' April 2026.
Żbilanċi dinjija fil-kuntest tar-riskji ġeoekonomiċi
F'format inklużiv, jiġifieri flimkien ma' ministri minn pajjiżi fiż-żona tal-euro u minn pajjiżi mhux fiż-żona tal-euro, il-Grupp tal-Euro kellu skambju ta' fehmiet dwar l-iżbilanċi dinjija fl-isfond tar-riskji ġeoekonomiċi attwali. François-Philippe Champagne, il-Ministru għall-Finanzi tal-Kanada, ingħaqad mad-diskussjoni u l-Professur Hélène Rey, il-President tal-grupp ta' esperti akkademiċi indipendenti tal-G7 dwar l-iżbilanċi dinjija, introduċiet is-suġġett.
L-UE ma tinsabx fl-epiċentru tal-iżbilanċi dinjija iżda huwa fl-interess tagħha li dawn jibqgħu sostenibbli. Kelli diskussjoni tajba dwar dan is-suġġett mal-kollegi tiegħi, kif ukoll mal-mistieden tagħna François-Philippe Champagne, il-ministru għall-finanzi tal-Kanada.
Kyriakos Pierrakakis, President tal-Grupp tal-Euro
Mixxellanji
Il-Ġermanja infurmat lill-Grupp tal-Euro dwar inizjattiva ġdida mnedija minn sitt stati membri tal-UE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
