Grupp tal-Euro, 12 ta' Novembru 2025

Riżultati ewlenin

F'format regolari

Żviluppi makroekonomiċi u dawk fiskali

Il-ministri ġew aġġornati dwar l-aħħar żviluppi u prospetti ekonomiċi, b'mod partikolari fir-rigward tal-inflazzjoni.

Il-ministri infurmaw ukoll lill-Grupp tal-Euro dwar id-diskussjonijiet baġitarji reċenti tagħhom.

• Inflazzjoni fiż-żona tal-euro, nota teknika għall-Grupp tal-Euro (Kummissjoni Ewropea)

Sfidi għaż-żona tal-euro f'kuntest dinji li qed jinbidel

Il-ministri komplew id-diskussjonijiet dwar l-isfidi li qed tiffaċċa ż-żona tal-euro, abbażi tad-dikjarazzjoni tal-Grupp tal-Euro ta' Novembru 2024.

Id-dibattitu qies l-iżviluppi ġeopolitiċi u teknoloġiċi kif ukoll il-laqgħat annwali tal-Fond Monetarju Internazzjonali u tal-Bank Dinji.

Il-ministri ddiskutew ukoll il-prijoritajiet politiċi qabel ir-rakkomandazzjonijiet għaż-żona tal-euro tal-2026.

• Il-kompetittività tal-ekonomija Ewropea - dikjarazzjoni tal-Grupp tal-Euro f'format inklużiv (stqarrija għall-istampa, 4 ta' Novembru 2024)
• Nota lill-Grupp tal-Euro: rivalutazzjoni tal-isfidi (Kummissjoni Ewropea)

Koordinazzjoni tal-politika fiskali fil-Grupp tal-Euro

Il-ministri qablu dwar ir-rwol tal-Grupp tal-Euro fil-koordinazzjoni tal-politika fiskali fiż-żona tal-euro.

Punti oħra

Il-Ministru Litwan il-ġdid, Kristupas Vaitiekūnas, ippreżenta l-prijoritajiet politiċi tal-gvern il-ġdid.

Fil-format tal-unjoni bankarja

Il-ministri mill-pajjiżi li jipparteċipaw fl-unjoni bankarja ngħataw informazzjoni mill-presidenti tal-mekkaniżmu superviżorju uniku u tal-bord uniku ta' riżoluzzjoni bħala parti mir-rappurtar tagħhom ta' darbtejn f'sena.

Il-kompetittività tal-banek Ewropej tibqa' essenzjali. Irridu nħarsu dan il-prinċipju bi standards għoljin ta' stabbiltà finanzjarja, billi nħarsu bir-reqqa lejn il-miżuri ta' simplifikazzjoni, u billi nsibu modi kif inħeġġu lill-banek tagħna jinvestu fit-tkabbir fit-tul tagħhom, b'mod partikolari fil-kuntest tal-aċċellerazzjoni tad-diġitalizzazzjoni.

Paschal Donohoe, President tal-Grupp tal-Euro

• Unjoni bankarja (informazzjoni ġenerali)
• Ħarsa ġenerali bil-miktub għall-iskambju ta' fehmiet tal-President tal-Bord Superviżorju tal-BĊE mal-Grupp tal-Euro fit-12 ta' Novembru 2025 (Bank Ċentrali Ewropew)
• Nota ta' rappurtar biannwali tal-bord uniku ta' riżoluzzjoni lill-Grupp tal-Euro - Novembru 2025

Format inklużiv

Il-futur tal-finanzi diġitali: l-euro diġitali u l-istablecoins

Il-Bank Ċentrali Ewropew aġġorna lill-ministri dwar id-deċiżjoni tal-Kunsill Governattiv li javvanza l-proġett tal-euro diġitali.

Il-ministri mbagħad qasmu l-fehmiet tagħhom dwar it-triq 'il quddiem fir-rigward tal-istablecoins.

Ix-xenarju dinji tal-pagamenti u l-finanzi diġitali qed jinbidel b'rata mgħaġġla. Irridu nkomplu nsegwu l-iżviluppi fl-istablecoins u nifhmu aħjar l-opportunitajiet u r-riskji li jirriżultaw mill-espansjoni rapida tagħhom. Hija l-intenzjoni tiegħi li nniedi ħidma dwar dan u li nerġa' lura għas-suġġett fix-xhur li ġejjin.

Paschal Donohoe, President tal-Grupp tal-Euro

• Lejn euro diġitali (informazzjoni ġenerali)