"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Żviluppi makroekonomiċi u fiskali fiż-żona tal-euro
Il-Grupp tal-Euro ddiskuta l-iżviluppi makroekonomiċi u fiskali reċenti fiż-żona tal-euro, b'enfasi partikolari fuq kwistjonijiet relatati mal-fiskalità. Id-diskussjoni twitti t-triq għad-diskussjoni u d-dikjarazzjoni ta' Lulju dwar il-prospetti għaż-żona tal-euro, inkluż il-pożizzjoni fiskali taż-żona tal-euro.
Rieżami tal-Fond Monetarju Internazzjonali tal-politiki taż-żona tal-euro
Id-Direttur Maniġerjali tal-Fond Monetarju Internazzjonali (FMI), Kristalina Georgieva, ippreżentat il-konklużjonijiet tal-konsultazzjoni annwali tal-Fond dwar il-politiki taż-żona tal-euro u kellha skambju ta' fehmiet mal-ministri.
Bħala parti mill-proċess ta' konsultazzjoni regolari tiegħu skont l-Artikolu IV, il-FMI jirrieżamina l-iżviluppi ekonomiċi, jikkonsulta ma' dawk li jfasslu l-politika taż-żona tal-euro u jipprovdi pariri dwar il-politika mmirati.
Il-Ministru Latvjan il-ġdid, Māris Kučinskis, u l-ministru Sloven il-ġdid, Andrej Šircelj, ippreżentaw il-prijoritajiet ta' politika tal-gvernijiet il-ġodda rispettivi tagħhom.
Format inklużiv
Is-sigurtà ekonomika u tal-enerġija fl-UE
Abbażi ta' preżentazzjoni minn Kristalina Georgieva, il-ministri ddiskutew l-isfidi strutturali u l-prijoritajiet ta' politika relatati mat-tisħiħ tas-sigurtà tal-enerġija u r-reżiljenza ekonomika tal-Ewropa.
L-Ewropa teħtieġ strateġija tal-enerġija li tnaqqas l-ispejjeż u d-dipendenzi simultanjament. Huwa għalhekk li t-tisħiħ tal-interkonnessjonijiet tal-enerġija, l-investiment fin-networks, u l-użu aħjar tas-sorsi tal-enerġija domestiċi huma kollha għażliet kollettivi li jtejbu kemm il-kompetittività kif ukoll is-sigurtà ekonomika.
Kyriakos Pierrakakis, President tal-Grupp tal-Euro
Sovranità teknoloġika Ewropea
Il-ministri ddiskutew id-dimensjonijiet ekonomiċi tas-sovranità teknoloġika Ewropea. David Eaves, professur fil-University College London, ġie mistieden jintroduċi d-diskussjoni.
L-Ewropa m'għandhiex defiċit ta' talent. Għandha defiċit fejn tidħol l-iskala. Ħafna drabi, l-Ewropa tipproduċi innovazzjonijiet iżda tonqos milli trawwem promoturi globali li kapaċi jikkummerċjalizzawhom u jeskalawhom bis-sħiħ.
Kyriakos Pierrakakis, President tal-Grupp tal-Euro
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
