Kumitat Militari tal-Unjoni Ewropea (EUMC), Kapijiet tad-Difiża tal-UE, 24-25/10/2018, 24 u 25 ta' Ottubru 2018

Riżultati ewlenin

Il-Kumitat Militari tal-Unjoni Ewropea ltaqa' fil-livell ta' Kapijiet tad-Difiża (CHODs) tal-UE fl-24 u l-25 ta' Ottubru 2018. Il-laqgħa kienet ippreseduta mill-Ġeneral Mikhail Kostarakos, il-president permanenti tal-kumitat.

Ir-Rappreżentant Għoli għall-Affarijiet Barranin u l-Politika ta' Sigurtà Federica Mogherini indirizzat lill-Kapijiet tad-Difiża tal-UE fil-25 ta' Ottubru.

Il-Kapijiet tad-Difiża tal-UE ddiskutew l-operazzjonijiet u l-missjonijiet militari tal-PSDK tal-UE.

Il-Kapijiet kellhom ukoll diskussjoni dwar il-kooperazzjoni bejn l-UE u n-NATO flimkien mal-Ġeneral Sir Stuart Peach, president tal-kumitat militari tan-NATO. Huma ġew aġġornati dwar il-kooperazzjoni bejn l-UE u n-NATO, inkluż dwar oqsma bħall-mobbiltà militari u d-dominju ibridu u dak ċibernetiku.

Flimkien ma' dan, il-Kapijiet tad-Difiża tal-UE ddiskutew il-kooperazzjoni mal-kontropartijiet tagħhom mill-Albanija, il-Bożnija-Ħerzegovina, il-Georgia, is-Serbja, il-Montenegro, il-Vjetnam u r-Repubblika tal-Korea. Huma ffukaw fuq is-sħubija mal-UE u l-parteċipazzjoni fl-operazzjonijiet u l-missjonijiet.

Il-Kapijiet tad-Difiża tal-UE koprew ukoll il-prova tar-rieżami annwali koordinat dwar id-difiża (CARD) kif ukoll proposti għat-tieni fażi tal-kooperazzjoni strutturata permanenti (PESCO). Huma ġew aġġornati wkoll dwar il-Fond Ewropew għad-Difiża (EDF).

Fl-aħħar nett, il-Kapijiet ħarsu lejn l-istruttura ta' kmand u kontroll futura tal-UE kif ukoll is-sitwazzjoni tal-migrazzjoni.

Fl-aħħar tal-laqgħa, saret ċerimonja ta' trasferiment tal-kariga bejn il-Ġeneral Mikhail Kostarakos u l-president permanenti l-ġdid tal-kumitat, il-Ġeneral Claudio Graziano.

Ara wkoll

• Laqgħa preċedenti tal-Kumitat Militari tal-Unjoni Ewropea (EUMC), Kapijiet tad-Difiża tal-UE, 15/05/2018
• Aktar informazzjoni dwar il-Kumitat Militari tal-Unjoni Ewropea (EUMC)
• Sit web tal-Kumitat Militari tal-Unjoni Ewropea (EUMC)