Kunsill Affarijiet Barranin
Kunsill Affarijiet Barranin (Kummerċ), 09/11/2018, 9 ta' Novembru 2018
Riżultati ewlenin
Il-modernizzazzjoni tad-WTO
Għal aktar minn 20 sena d-WTO kellha rwol importanti fil-ħolqien ta' ordni ekonomiku prosperu, paċifiku u prevedibbli. Madankollu fl-aħħar snin id-dinja nbidlet u d-WTO ma żammitx il-pass. Huwa għalhekk li l-UE hija impenjata biex jingħeleb l-impass attwali tad-WTO u qed tinsisti għal aġenda ambizzjuża li fiha WTO riformata u modernizzata tista' tkompli tkun fiċ-ċentru ta' sistema multilaterali bbażata fuq ir-regoli. Margarete Schramböck, Ministru Federali tal-Awstrija għall-Affarijiet Diġitali u Ekonomiċi u President tal-Kunsill
Il-Kunsill iddiskuta l-ħidma li qed issir għall-modernizzazzjoni tal-Organizzazzjoni Dinjija tal-Kummerċ (WTO). Il-Kummissjoni infurmat lill-ministri dwar l-aħħar żviluppi fl-inizjattiva tagħha biex tiżviluppa u tippromwovi approċċ komprensiv tal-UE li għandu l-għan li jirrevedi l-funzjonijiet ewlenin kollha tal-organizzazzjoni: it-tfassil, il-monitoraġġ u s-soluzzjoni tat-tilwim.
Il-Ministri esprimew l-appoġġ qawwi tagħhom għall-isforzi kontinwi tal-Kummissjoni biex terġa' titqajjem il-kooperazzjoni fil-qafas multilaterali. Huma appellaw għal riforma ambizzjuża u f'waqtha tal-funzjonament tal-korp tal-appell tad-WTO sabiex jissolva l-imblokk attwali dwar il-proċess ta' ħatra ta' mħallfin ġodda. Huma laqgħu wkoll il-proposta konġunta reċenti tal-UE-Ġappun-Stati Uniti biex titjieb il-konformità man-notifika tal-membri dwar miżuri kummerċjali.
Il-Kunsill ħeġġeġ lill-Kummissjoni biex tkompli ħidmietha ma' sħab ewlenin u s-sħubija usa' tad-WTO fir-rigward tar-riforma tal-organizzazzjoni.
Relazzjonijiet mas-sħab kummerċjali ewlenin
Il-Kunsill irreveda s-sitwazzjoni attwali ta' għadd ta' negozjati kummerċjali bilaterali li għaddejjin, b'mod partikolari dawk mal-Mercosur, l-Indoneżja, iċ-Ċilì, l-Awstralja, in-New Zealand, iċ-Ċina u t-Tuneżija. Il-Kunsill ġie infurmat ukoll dwar il-progress l-aktar reċenti fir-rigward tad-diskussjonijiet dwar il-proġett tal-Qorti Multilaterali tal-Investiment u dwar l-adeżjoni possibbli tal-UE għall-Konvenzjoni ta' Mauritius dwar it-trasparenza.
Il-ministri tennew l-impenn tagħhom għal kummerċ ħieles u ġust u l-appoġġ tagħhom għall-aġenda kummerċjali pożittiva. Huma appellaw lill-Kummissjoni biex tkompli l-isforzi tagħha biex jintlaħqu eżiti f'waqthom u bbilanċjati sew għan-negozjati kollha li għaddejjin bħalissa.
Il-Kunsill ħa nota tal-adozzjoni reċenti tal-proposti tal-Kummissjoni għall-iffirmar u l-konklużjoni ta' ftehimiet kummerċjali u ta' investiment mal-Vjetnam. Il-korpi preparatorji tal-Kunsill diġà bdew jeżaminaw iż-żewġ ftehimiet.
Il-Kummissjoni ppreżentat ukoll it-tieni rapport tagħha dwar l-implimentazzjoni ta' ftehimiet ta' kummerċ ħieles (FTAs), waqt li ġibdet l-attenzjoni għall-impatt pożittiv tagħhom fuq l-esportazzjonijiet u t-tkabbir ekonomiku tal-UE. Skont il-Kummissjoni, l-FTAs li jkopru kważi 70 suq madwar id-dinja kollha – qed ikunu effettivi fit-tneħħija ta' barrieri għall-kummerċ u l-promozzjoni ta' standards għoljin fil-qasam tal-protezzjoni tax-xogħol u tal-ambjent. Il-ministri laqgħu r-rapport u fakkru fl-interess tagħhom fil-monitoraġġ tal-implimentazzjoni ta' ftehimiet ta' kummerċ ħieles.
Suġġetti oħra fuq l-aġenda
Il-ministri kienu infurmati wkoll dwar il-progress fin-negozjati mal-Parlament Ewropew dwar ir-regolamenti dwar l-iskrinjar tal-investiment dirett barrani u salvagwardji bilaterali orizzontali.
Waqt l-ikla ta' nofsinhar, il-ministri ddiskutew l-iżviluppi reċenti fir-relazzjonijiet kummerċjali tal-UE mal-Istati Uniti.
Mingħajr diskussjoni, il-Kunsill adotta regolament li jneħħi l-ostakli għall-moviment ħieles ta' data mhux personali, regoli ġodda li jsaħħu l-arkitettura tal-IT fil-qasam tal-IT fil-qasam tal-ġustizzja u l-affarijiet interni. Huma approvaw wkoll ir-rilokazzjoni wara l-Brexit tal-Aġenzija Ewropea għall-Mediċini u l-Awtorità Bankarja Ewropea għal Amsterdam u Pariġi rispettivament.
Dokumenti tal-laqgħat
Dokumenti ta' tħejjija
Stqarrijiet għall-istampa
Tagħrif għall-istampa
Kuntatti għall-istampa
-
Maria Daniela Lenzu Press officer
- +32 470 88 04 02
- +32 2 281 21 46
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #FAC
Ritratti u filmati
Laqgħat oħra: Kunsill Affarijiet Barranin
Laqgħat li seħħew
L-aħħar reviżjoni: 16 ta' Jannar 2025