Assemblea Ġenerali tan-NU, New York, 18-20/09/2017, 18-20 ta' Settembru 2017

Il-President tal-Kunsill Ewropew, Donald Tusk, indirizza l-Assemblea Ġenerali tan-NU (AĠNU) f’isem l-UE fl-20 ta’ Settembru 2017.

Fid-diskors tiegħu lill-assemblea, il-President Tusk iffoka fuq:

• l-importanza tat-tisħiħ tas-sistema tan-NU bħala s-sinsla tal-ordni globali bbażata fuq ir-regoli
• il-ħtieġa li jkun hemm id-denuklearizzazzjoni tal-peniżola Koreana b’mod paċifiku
• il-kontribut tal-UE biex titratta l-kriżi tar-refuġjati u aktar azzjonijiet meħtieġa biex jitwaqqfu l-faċilitaturi ta' dħul klandestin ta' bnedmin
• il-ħtieġa li tiġi intensifikata l-ġlieda kontra t-terroriżmu u jiżdiedu l-isforzi biex tiġi indirizza r-radikalizzazzjoni
• l-impenn tal-UE biex jiġi implimentat malajr u bis-sħiħ il-Ftehim ta’ Pariġi

Fid-19 ta’ Settembru, il-President Tusk tkellem fl-avveniment ta' livell għoli dwar il-Patt Dinji għall-Ambjent. Huwa esprima l-appoġġ tiegħu għall-inizjattiva: “L-UE u l-Istati Membri tagħha ser ikunu lesti biex jgħinu f’dan it-tfassil b’moħħ miftuħ”, huwa qal. Donald Tusk appella wkoll “għal implimentazzjoni fil-pront u komprensiva tal-ftehim ta’ Pariġi”.

• Kummenti mill-President Donald Tusk fl-avveniment ta' livell għoli dwar il-Patt Dinji għall-Ambjent, 19 ta' Settembru 2017

Fil-marġni tal-AĠNU, il-President Tusk kellu wkoll l-opportunità li jiltaqa’ bilateralment ma’ mexxejja oħra. Għal aktar informazzjoni dwar dawn il-laqgħat bilaterali, ara l-programm hawn taħt.

Prijoritajiet tal-UE fl-Assemblea Ġenerali tan-NU

F’Lulju, il-Kunsill adotta l-prijoritajiet tal-UE għan-NU u għat-72 Assemblea Ġenerali tan-NU, li jiffokaw fuq:

• it-tisħiħ u r-riforma tan-NU u l-ordni globali bbażat fuq ir-regoli
• it-trawwim tal-paċi u l-investiment fil-prevenzjoni tal-konflitti
• it-titjib fil-kooperazzjoni għall-ġlieda kontra t-terroriżmu
• il-promozzjoni tad-diżarm u n-nonproliferazzjoni nukleari
• l-indirizzar ta’ kwistjonijiet relatati mal-migranti u r-refuġjati, id-drittijiet tal-bniedem u l-iżvilupp

• EU priorities at the United Nations and the 72nd United Nations General Assembly (September 2017 – September 2018)

Programm

Laqgħa mal-Maestà Tiegħu r-Re tal-Ġordan, Abdullah II bin Al-Hussein

Laqgħa mal-Prim Ministru tal-Bhutan Tshering Tobgay

Laqgħa mal-Prim Ministru ta’ Fiġi Josaia Voreqe Bainimarama

Laqgħa mal-Prim Ministru tal-Georgia Giorgi Kvirikashvili

Laqgħa mal-President tal-Kosovo Hashim Thaçi

Laqgħa mal-President tal-Eġittu Abdel Fattah el-Sisi

Laqgħa mal-President tal-Kosta tal-Avorju Alassane Ouattara

Laqgħa mal-Prim Ministru tar-Renju Unit Theresa May

Laqgħa mal-President tal-Ukrajna Petro Poroshenko

Diskors fl-avveniment ta’ Livell Għoli dwar il-Patt Dinji għall-Ambjent

• Remarks by President Donald Tusk at the high-level event on the Global Pact for the Environment, 19 September 2017

Diskors waqt id-dibattitu fit-72 Assemblea Ġenerali tan-NU

Ara wkoll

• EU at the UN General Assembly
• EU relations with the United Nations (EEAS)
• EU delegation to the UN in New York
• United Nations General Assembly
• The UN mission in Brussels