Freagairt éigeandála an Aontais ar ráig COVID-19
Príomhréimsí gníomhaíochta i gcoinne COVID-19
- Teorainn a chur le leathadh an víris
- Soláthar trealaimh leighis a chinntiú
- Taighde a chur chun cinn maidir le cóireálacha agus vacsaíní
- Tacú le poist, le gnólachtaí agus leis an ngeilleagar
- Cabhrú le saoránaigh den Aontas atá sáinnithe thar lear
- Cur i gcoinne na bréagaisnéise
Teorainn a chur le leathadh an víris
- Teorainneacha seachtracha an Aontais a dhúnadh go sealadach le srian ar thaisteal neamhriachtanach chun an Aontais
- Bainistiú teorann: 'lánaí glasa' a thabhairt isteach i gcás earraí bunriachtanacha
- Measúnuithe riosca do dhaonra an Aontais ag an Lárionad Eorpach um Ghalair a Chosc agus a Rialú (ECDC)
- Comhordú seachtainiúil idir an tAontas, saineolaithe agus na Ballstáit trí shocruithe comhtháite um fhreagairt pholaitiúil ar ghéarchéimeanna (IPCR)
Soláthar trealaimh leighis a chinntiú
Thug an tAontas cead do thíortha an Aontais páirt a ghlacadh i dtairiscintí soláthair phoiblí chomhpháirtigh i gcomhair:
- trealamh cosanta
- aerálaithe
- feistí tástála
D’áirithigh an tAontas an méid a leanas tríd an Sásra Aontais um Chosaint Shibhialta:
- foirne leighis agus soláthairtí a chur ar fáil do thíortha atá i ngátar
- cúlchiste comhchoiteann nua Eorpach do threalamh leighis éigeandála
- Lárionad Comhordúcháin Práinnfhreagartha chun tacaíocht a chomhordú 24/7
Chomh maith leis sin, chomhordaigh an tAontas le tionscal na hEorpa chun an tairgeadh a mhéadú, agus rinne sé onnmhairiú bunsoláthairtí ón Aontas chuig tríú tíortha a rialú.
Taighde a chur chun cinn maidir le cóireálacha agus vacsaíní
- Cistí taighde agus tacaíocht airgeadais chun cóireálacha agus vacsaíní a fhorbairt
- Cistí do FBManna agus do ghnólachtaí nuathionscanta le haghaidh réitigh nuálacha
- Ardán sonraí COVID-19 ar mhaithe le mearbhailiú agus mear-roinnt sonraí taighde
Tacú le poist, le gnólachtaí agus leis an ngeilleagar
Pacáiste tacaíochta láithreach an Aontais
Pacáiste tacaíochta €540 billiún curtha i láthair ag an Aontas do phoist agus d'oibrithe, do ghnólachtaí agus do na Ballstáit.
An méid seo a leanas atá inti:
- €100 billiún - Tacaíocht chun rioscaí dífhostaíochta a mhaolú i gcás éigeandála (SURE)
- €200 billiún - Ciste ráthaíochta uile-Eorpach le haghaidh iasachtaí do chuideachtaí (an Banc Eorpach Infheistíochta)
- €240 billiún - Tacaíocht do na Ballstáit i ngeall ar an bpaindéim (an Sásra Cobhsaíochta Eorpach)
Úsáid bhuiséad an Aontais
- €3.1 billiún - Leasú ar bhuiséad 2020 an Aontais don fhreagairt éigeandála
- €37 billiún - Cistí comhtháthaithe don Tionscnamh Infheistíochta mar Fhreagairt ar an gCoróinvíreas
- €800 milliún - Ciste Dlúthpháirtíochta an Aontais sínithe chuig géarchéimeanna sláinte poiblí
Solúbthacht i rialacha an Aontais
- Údaraítear bearta státchabhrach chun tacaíocht a thabhairt do ghnólachtaí agus d’oibrithe
- Cuirtear an clásal éalaithe ginearálta i rialacha fioscacha an Aontais i bhfeidhm chun freastal ar chaiteachas náisiúnta méadaithe
- Leasaítear rialacháin maidir le cistí struchtúracha chun aistrithe idir cistí agus réigiúin a chumasú
Beartas airgeadaíochta
€750 billiún: clár ceannaithe éigeandála paindéime an Bhainc Ceannais Eorpaigh.
Cabhrú le saoránaigh den Aontas atá sáinnithe thar lear
Tá breis agus 500,000 saoránach den Aontas aisdúichithe cheana ó thríú tíortha.
Cur i gcoinne na bréagaisnéise
Anuas air sin, tá sé mar aidhm ag an Aontas Eorpach cur i gcoinne bréagscéalta faoin víreas le cumarsáid atá trédhearcach, tráthúil, agus macánta a chur os comhair an phobail.