Straitéis ceimiceán an Aontais ar mhaithe le timpeallacht atá níos inbhuanaithe agus saor ó thocsainí
Grafaic faisnéise – Straitéis ceimiceán an Aontais ar mhaithe le timpeallacht atá níos inbhuanaithe agus saor ó thocsainí
Tá ceimiceáin ríthábhachtach do chaighdeáin mhaireachtála nua-aimseartha agus don gheilleagar. Mar sin féin, is féidir le substaintí ceimiceacha dochar a dhéanamh do dhaoine agus don chomhshaol.
Tá an tAontas agus a Bhallstáit ag obair ar straitéis ceimiceán nua chun:
- sláinte an duine a chosaint níos fearr
- tacú le comhshaol atá saor ó thocsainí
Cén fáth a bhfuil ceimiceáin tábhachtach agus cad iad na rioscaí a bhaineann leo?
Tá substaintí ceimiceacha bunriachtanach le haghaidh go leor gníomhaíochtaí laethúla.
Tá ról ríthábhachtach acu sna nithe seo a leanas:
- bia a sholáthar
- an dea-bhail a chinntiú
- an tsláinte a chosaint
Faightear iad:
- i leictreonaic
- i gcosmaidí
- i dtroscán
- i dteicstílí
- i mbréagáin
- agus i go leor gnáth-tháirgí eile.
Mar sin féin, d’fhéadfadh ceimiceáin ag a bhfuil airíonna guaiseacha éifeachtaí díobhálacha a bheith acu ar shláinte an duine. Tugann roinnt staidéar a rinneadh san Aontas le fios go bhfuil méadú tagtha ar líon ceimiceán guaiseach éagsúil i gcorp an duine. Is féidir leis na ceimiceáin sin a bheith ina chúis leis an méid seo:
- ailse
- bristeacha i gcórais cholainne
- athléimneacht lagaithe in aghaidh vacsaíní
- leochaileacht mhéadaithe i leith galar
Tionscal ceimiceán na hEorpa
Tá ról tábhachtach ag ceimiceáin i ngeilleagar an Aontais agus san iomaíochas.
Is í an mhonaraíocht ceimiceán an 4ú tionscal is mó san Aontas ina bhfuil 30 000 cuideachta agus 1.2 milliún duine fostaithe go díreach. Is fiontair bheaga agus mheánmhéide iad 95 % de na gnólachtaí.
In 2018, ba í an Eoraip an dara táirgeoir ceimiceán ar domhan, arb ionann a díolacháin agus 16.9 % de dhíolacháin dhomhanda.
Straitéis ceimiceán nua an Aontais don inbhuanaitheacht
Le straitéis ceimiceán nua an Aontais, ba mhian leis an Aontas agus a Bhallstáit an méid seo a bhaint amach:
- Tacú leis an nuálaíocht chun táirgí atá níos sábháilte a dhearadh
- Ceimiceáin thocsaineacha a chosc seachas sa chás go bhfuil siad riachtanach agus nach bhfuil aon roghanna malartacha ann, chun cosaint an duine a chinntiú
- Teagmháil le ceimiceáin a dhéanann dochar do na córais hormónacha agus teagmháil le héifeachtaí tocsaineacha comhcheangailte na gceimiceán a theorannú
- Dlíthe a fheabhsú agus nósanna imeachta a shimpliú chun measúnú a dhéanamh ar riosca na gceimiceán
- A bheith ina n-eiseamláirí do phláinéad atá saor ó thocsainí
Tugtar dhá phrionsabal nua isteach leis an straitéis:
- cosc a chur ar cheimiceáin thocsaineacha a áireamh i dtáirgí ag céim an deartha, seachas iad a rialú nuair a bheidh siad ar an margadh
- gan úsáid na gceimiceán is díobhálaí a cheadú, ach amháin má tá siad riachtanach don tsláinte, don tslándáil nó criticiúil le haghaidh fheidhmiú na sochaí
Cén fáth a bhfuil an méid seo tábhachtach?
Cuirfidh an tAontas agus a Bhallstáit an straitéis ceimiceán chun feidhme sna blianta amach romhainn agus beidh sé mar aidhm:
- an inbhuanaitheacht in earnáil na gceimiceán a chothú ar mhaithe le hEoraip atá saor ó thocsainí i gcomhréir le huaillmhianta an Chomhaontaithe Ghlais don Eoraip
- borradh a chur faoin nuálaíocht agus feabhas a chur ar iomaíochas thionscal na gceimiceán
An t-athbhreithniú deireanach: an 31 Eanáir 2025