Strateġija tal-UE dwar is-sustanzi kimiċi għal ambjent aktar sostenibbli u ħieles mis-sustanzi tossiċi
Infografika - strateġija tal-UE dwar is-sustanzi kimiċi għal ambjent aktar sostenibbli u ħieles mis-sustanzi tossiċi
Is-sustanzi kimiċi huma essenzjali għall-istandards ta' għajxien moderni u għall-ekonomija. Madankollu, is-sustanzi kimiċi jistgħu jkunu ta' ħsara għan-nies u għall-ambjent.
L-UE u l-istati membri tagħha qed jaħdmu fuq strateġija ġdida dwar is-sustanzi kimiċi biex:
- jipproteġu aħjar is-saħħa tal-bniedem
- jappoġġaw ambjent ħieles mis-sustanzi tossiċi
Għaliex is-sustanzi kimiċi huma importanti u x'inhuma r-riskji?
Is-sustanzi kimiċi huma fundamentali għal ħafna attivitajiet ta' kuljum.
Huma jaqdu rwol vitali:
- fil-provvista tal-ikel
- fl-iżgurar tal-benesseri
- fil-protezzjoni tas-saħħa
Dawn jinsabu:
- fl-elettronika
- fil-prodotti kożmetiċi
- fl-għamara
- fit-tessuti
- fil-ġugarelli
- u f'ħafna prodotti oħra ta' kuljum.
Madankollu, sustanzi kimiċi b'karatteristiċi perikolużi jista' jkollhom effetti detrimentali fuq is-saħħa tal-bniedem. Studji fl-UE jindikaw għadd dejjem jikber ta' sustanzi kimiċi perikolużi differenti li jinstabu fil-ġisem tal-bniedem. Dawn is-sustanzi kimiċi jistgħu jikkawżaw:
- il-kanċer
- tfixkil fis-sistemi tal-ġisem
- reżiljenza mdgħajfa għat-tilqim
- vulnerabbiltà akbar għall-mard
L-industrija Ewropea tas-sustanzi kimiċi
Is-sustanzi kimiċi għandhom rwol importanti għall-ekonomija u l-kompetittività tal-UE.
Il-manifattura tas-sustanzi kimiċi hija r-raba' l-akbar industrija fl-UE bi 30 000 kumpanija u timpjega direttament 1.2 miljun persuna. 95% tan-negozji huma SMEs.
Fl-2018, l-Ewropa kienet it-tieni l-akbar produttur ta' sustanzi kimiċi, li jammontaw għal 16.9% tal-bejgħ globali.
L-istrateġija l-ġdida tal-UE dwar is-sustanzi kimiċi għas-sostenibbiltà
Bl-istrateġija l-ġdida tal-UE dwar is-sustanzi kimiċi, l-UE u l-istati membri tagħha jixtiequ:
- jappoġġaw l-innovazzjoni biex jitfasslu prodotti aktar sikuri
- jipprojbixxu sustanzi kimiċi tossiċi sakemm dawn mhumiex essenzjali jew ma jeżistux alternattivi, filwaqt li jiżguraw il-protezzjoni għan-nies
- jillimitaw l-esponiment għal sustanzi kimiċi li jagħmlu ħsara lis-sistemi ormonali u għall-effetti ta' taħlit tossiku ta' sustanzi kimiċi
- itejbu l-liġijiet u jissimplifikaw il-proċeduri biex jiġu vvalutati r-riskji tas-sustanzi kimiċi
- jagħtu eżempju għal pjaneta ħielsa mis-sustanzi tossiċi
Bl-istrateġija ġew introdotti żewġ prinċipji ġodda:
- il-prevenzjoni ta' sustanzi kimiċi tossiċi milli jiġu inklużi fi prodotti fl-istadju tat-tfassil, minflok jiġu kkontrollati wara li jkunu fis-suq
- li jiġi permess l-użu tas-sustanzi kimiċi l-aktar dannużi, biss jekk ikunu meħtieġa għas-saħħa, is-sikurezza jew jekk ikunu kritiċi għall-funzjonament tas-soċjetà
Għaliex huwa importanti dan?
L-UE u l-istati membri tagħha ser jimplimentaw l-istrateġija dwar is-sustanzi kimiċi fis-snin li ġejjin bl-għan li:
- titrawwem is-sostenibbiltà fis-settur tas-sustanzi kimiċi għal Ewropa ħielsa mis-sustanzi tossiċi f'konformità mal-ambizzjonijiet tal-Patt Ekoloġiku tal-UE
- tingħata spinta lill-innovazzjoni u tiżdied il-kompetittività tal-industrija tas-sustanzi kimiċi
L-aħħar reviżjoni: 31 ta' Jannar 2025