Skip to content

Ciste Réitigh Aonair

Is ciste éigeandála é an ciste réitigh aonair is féidir a úsáid le linn géarchéime. Is é is aidhm don chiste cosc a chur ar bhainc cliseadh tar éis do roghanna eile a bheith ídithe.

Is í an earnáil baincéireachta féin atá ag maoiniú an chiste. Ní mór do gach banc ó na 21 tír atá ina mbaill d’aontas baincéireachta an Aontais Eorpaigh táille bhliantúil (ar a dtugtar ranníocaíochtaí) a íoc leis an gciste. Tá an tsuim atá le híoc ag banc aonair bunaithe ar mhéid agus ar riosca.

Bhí an ciste á fhorbairt thar thréimhse 8 mbliana, ag tosú in 2016 agus ag críochnú in 2023. Rinneadh an ciste sin a fhorbairt trí ranníocaíochtaí a bailíodh ar an leibhéal náisiúnta a chomhthiomsú.

Grafaic faisnéise - An Ciste Réitigh Aonair

Ciste Réitigh Aonair: tógáil thar 8 mbliana

Cistí ar fáil do na céimeanna tosaigh i réiteach banc

  • B1 (2016): An chuid atá ar fáil ón rannán dílis náisiúnta: 100%. An chuid atá ar fáil ó na rannáin náisiúnta uile: 40%.
  • B2 (2017): An chuid atá ar fáil ón rannán dílis náisiúnta: 60%. An chuid atá ar fáil ó na rannáin náisiúnta uile: 60%.
  • B3 (2018): An chuid atá ar fáil ón rannán dílis náisiúnta: 40%. An chuid atá ar fáil ó na rannáin náisiúnta uile: 67%.
  • B4 (2019): An chuid atá ar fáil ón rannán dílis náisiúnta: 33%. An chuid atá ar fáil ó na rannáin náisiúnta uile: 73%.
  • B5 (2020): An chuid atá ar fáil ón rannán dílis náisiúnta: 27%. An chuid atá ar fáil ó na rannáin náisiúnta uile: 80%.
  • B6 (2021): An chuid atá ar fáil ón rannán dílis náisiúnta: 20%. An chuid atá ar fáil ó na rannáin náisiúnta uile: 87%.
  • B7 (2022): An chuid atá ar fáil ón rannán dílis náisiúnta: 13%. An chuid atá ar fáil ó na rannáin náisiúnta uile: 93%.
  • B8 (2023): An chuid atá ar fáil ón rannán dílis náisiúnta: 7%. An chuid atá ar fáil ó na rannáin náisiúnta uile: 100%.
  • B9 (2024): An chuid atá ar fáil ó na rannáin náisiúnta uile: 100%.

Úsáid an chiste réitigh - 4 chéim

Úsáidtear Bliain 4 (2019) mar shampla.

  • Céim 1: Is é 33% an chuid ón rannán dílis náisiúnta. Níl na rannáin náisiúnta uile eile ar fáil go fóill.
  • Céim 2: Is é 73% an chuid ó na rannáin náisiúnta uile, rannán dílis an bhainc aonair san áireamh.
  • Céim 3: An chuid atá fágtha ón rannán dílis náisiúnta.
  • Céim 4: Tá an chuid atá ar fáil ó na rannáin náisiúnta uile ar fáil le haistriú idir rannáin.

Tuilleadh eolais

Topaicí