Skip to content

Fond Uniku ta' Riżoluzzjoni

Il-fond uniku ta' riżoluzzjoni huwa fond ta' emerġenza li jista' jintuża fi żminijiet ta' kriżi. Il-fond għandu l-għan li jipprevjeni li l-banek ifallu wara li jkunu ġew eżawriti għażliet oħra.

Il-fond huwa ffinanzjat mis-settur bankarju nnifsu. Il-banek kollha fil-21 pajjiż li huma membri tal-unjoni bankarja tal-UE jridu jħallsu tariffa annwali (imsejħa kontribuzzjonijiet) lill-fond. L-ammont li bank individwali jrid iħallas huwa bbażat fuq id-daqs u r-riskju.

Il-fond inbena tul perjodu ta' tmien snin, li beda fl-2016 u ntemm fl-2023. Dan seħħ permezz tal-ġbir flimkien tal-kontribuzzjonijiet miġbura fil-livell nazzjonali.

Infografika - Fond Uniku ta' Riżoluzzjoni

Fond uniku ta' riżoluzzjoni: Żvilupp fuq medda ta' 8 snin

Il-fondi disponibbli għall-ewwel stadji fir-riżoluzzjoni tal-banek

  • S1 (2016): Il-parti disponibbli mill-kompartiment nazzjonali proprju: 100%. Il-parti disponibbli mill-kompartimenti nazzjonali kollha: 40%.
  • S2 (2017): Il-parti disponibbli mill-kompartiment nazzjonali proprju: 60%. Il-parti disponibbli mill-kompartimenti nazzjonali kollha: 60%.
  • S3 (2018): Il-parti disponibbli mill-kompartiment nazzjonali proprju: 40%. Il-parti disponibbli mill-kompartimenti nazzjonali kollha: 67%.
  • S4 (2019): Il-parti disponibbli mill-kompartiment nazzjonali proprju: 33%. Il-parti disponibbli mill-kompartimenti nazzjonali kollha: 73%.
  • S5 (2020): Il-parti disponibbli mill-kompartiment nazzjonali proprju: 27%. Il-parti disponibbli mill-kompartimenti nazzjonali kollha: 80%.
  • S6 (2021): Il-parti disponibbli mill-kompartiment nazzjonali proprju: 20%. Il-parti disponibbli mill-kompartimenti nazzjonali kollha: 87%.
  • S7 (2022): Il-parti disponibbli mill-kompartiment nazzjonali proprju: 13%. Il-parti disponibbli mill-kompartimenti nazzjonali kollha: 93%.
  • S8 (2023): Il-parti disponibbli mill-kompartiment nazzjonali proprju: 7%. Il-parti disponibbli mill-kompartimenti nazzjonali kollha: 100%.
  • S9 (2024): Il-parti disponibbli mill-kompartimenti nazzjonali kollha: 100%.

Użu tal-fond ta' riżoluzzjoni - 4 stadji

Ir-raba' sena (S4, 2019) qed tintuża bħala eżempju.

  • Stadju 1: Il-parti mill-kompartiment nazzjonali proprju hija 33%. Il-kompartimenti nazzjonali l-oħra kollha għadhom mhumiex disponibbli.
  • Stadju 2: Il-parti mill-kompartimenti nazzjonali kollha, inkluż dik tal-bank individwali proprju, hija 73%.
  • Stadju 3: Il-parti li jifdal mill-kompartiment nazzjonali proprju.
  • Stadju 4: Il-parti disponibbli mill-kompartimenti nazzjonali kollha hija disponibbli għat-trasferiment bejn il-kompartimenti.

Aktar informazzjoni

Suġġetti