Skip to content

Aghaidh a thabhairt ar ábhar sceimhlitheoireachta a bheith á scaipeadh ar líne

I ngeall ar theicneolaíochtaí digiteacha, tá sé níos éasca do sceimhlitheoirí cumarsáid a dhéanamh thar theorainneacha agus tá méadú tagtha ar bholscaireacht na sceimhlitheoireachta agus ar scaipeadh an antoisceachais.

Baineann sceimhlitheoirí úsáid as na meáin shóisialta agus as an ngréasán dorcha chun radacú, earcú, gríosú chun foréigin a dhéanamh agus chun ionsaithe sceimhlitheoireachta a éascú.

Chun cur i gcoinne sceimhlitheoirí a bhaineanna mí-úsáid as an idirlíon, ghlac an tAontas i mí Aibreáin 2021 rialachán maidir le haghaidh a thabhairt ar scaipeadh ábhair sceimhlitheoireachta ar líne. Tiocfaidh rialacha nua i bhfeidhm ón 7 Meitheamh 2022 ar aghaidh.

Mínítear sa ghrafaic faisnéise cad is ábhar sceimhlitheoireachta ar líne ann agus cén fáth a bhfuil gá le rialacha nua

Rialacha an Aontais chun ábhar sceimhlitheoireachta ar líne a chomhrac

Conas a oibríonn na rialacha nua?

  • Ainmneoidh tíortha an Aontais údaráis náisiúnta ainmnithe
  • Eiseoidh na húdaráis orduithe chun an t-ábhar sceimhlitheoireachta a bhaint anuas
  • Beidh 1 uair an chloig ag na hardáin idirlín chun an t-ábhar a bhaint anuas

I gcás sáruithe córasacha, ní mór d’ardáin idirlín pionóis suas le 4% dá láimhdeachas a íoc:

Cad é ábhar sceimhlitheoireachta ar líne?

Téacs, íomhánna, gearrthóga fuaime nó físeáin a úsáidtear chun:

  • gníomhartha sceimhlitheoireachta a spreagadh
  • treoracha a thabhairt maidir le cionta a dhéanamh
  • iarraidh a bheith rannpháirteach i ngrúpaí sceimhlitheoireachta

Cén fáth a bhfuil gá le rialacha an Aontais?

Chun cosc a chur ar sceimhlitheoirí an t-idirlíon a úsáid chun:

  • bolscaireacht a spré
  • foghlaim mar ar féidir pléascáin a dhéanamh
  • sceimhlitheoireacht aonair a spreagadh
  • a ngníomhaíochtaí a phoibliú nó a bheo-shruthú

An le cuideachtaí an Aontais amháin is infheidhme na rialacha?

Ní hea ­ baineann na rialacha leis na soláthraithe go léir a bhfuil seirbhísí á dtairiscint acu san Aontas, bíodh a gceanncheathrú sna Ballstáit nó i dtír eile.

Topaicí

An t-athbhreithniú deireanach: an 23 Deireadh Fómhair 2025