An choireacht a chomhrac

Fulaingíonn 75 mhilliún duine in aghaidh na bliana san Aontas de dheasca na coireachta. Oibríonn an tAontas i ndlúthchomhar le húdaráis náisiúnta agus le gníomhaireachtaí an Aontais chun teacht roimh an gcoireacht trasteorann agus roimh an gcoireacht eagraithe.

Díríonn siad in éineacht ar choireanna tromchúiseacha mar shampla smuigleáil daoine, drugaí nó arm tine.

léaráid ina bhfeictear cineálacha éagsúla coireachta

A bhfuil ar bun ag an Aontas chun an choireacht eagraithe a chomhrac

Is bagairt ollmhór í an choireacht eagraithe, ní hamháin ar shaoránaigh, ar ghnólachtaí agus ar institiúidí Eorpacha, ach ar gheilleagar na hEorpa freisin. Tá roinnt beart á ndéanamh ag an Aontas agus a Bhallstáit in aghaidh na bpríomhghníomhaíochtaí coiriúla i réimsí éagsúla san Eoraip.

An gháinneáil ar dhrugaí

Na líonraí coiriúla atá bainteach leis an ngáinneáil ar chineálacha éagsúla drugaí, agus dáileadh na ndrugaí sin, a shainaithint agus díriú orthusan.

An gháinneáil ar dhaoine

Díriú ar na líonraí coiriúla a thagann i dtír ar dhaoine leochaileacha ar mhaithe lena leas eacnamaíoch féin.

An chibearchoireacht

Cur leis an teacht aniar atá san Eoraip in éadan na gcibearbhagairtí agus féachaint chuige go mbíonn seirbhísí agus uirlisí digiteacha iontaofa againn.

Comhrac na coireachta - sracfhéachaint ar na figiúirí

Leanann an tAontas cur chuige comhtháite maidir leis an tslándáil inmheánach agus forfheidhmiú an dlí, atá á chomhordú ag an ardán EMPACT. Bhí torthaí suntasacha ar iarrachtaí an ardáin sin in 2025.

Tuilleadh torthaí ar chomhrac an Aontais ar an gcoireacht eagraithe

Obair an Aontais maidir le comhrac na sceimhlitheoireachta

Tar éis sraith ionsaithe ó 2015 i leith, tá bearta éagsúla glactha ag an Aontas chun deireadh a chur leis an sceimhlitheoireacht. Idir sceimhlitheoirí a chosc ar airm a cheannach nó buamaí a thógáil, agus cur i gcoinne an radacaithe an chéad lá riamh.

Freagairt an Aontais ar an sceimhlitheoireacht

Seo í Zita, íospartach na gáinneála

Ainneoin turas fada contúirteach a bheith rompu, theith na mílte íospartach gáinneála, ar chuma Zita, óna dtír dhúchais ag iarraidh éalú ón mbochtaineacht; ach ba é an deireadh a bhí orthu gurbh éigean dóibh géilleadh don daoirse tí.