Skip to content

L-indirizzar tad-disseminazzjoni ta' kontenut terroristiku online

It-teknoloġiji diġitali għamluha aktar faċli għat-terroristi li jikkomunikaw minn naħa għal oħra tal-fruntieri u amplifikaw il-propaganda terroristika u wessgħu l-firxa tal-estremiżmu.

It-terroristi jużaw il-media soċjali u d-dark web biex jirradikalizzaw, jirreklutaw, jinċitaw il-vjolenza u jiffaċilitaw it-twettiq ta' attakki terroristiċi.

Biex tiġġieled kontra l-użu ħażin tal-internet mit-terroristi, f'April 2021 l-UE adottat regolament dwar l-indirizzar tad-disseminazzjoni ta' kontenut terroristiku online. Ir-regoli l-ġodda japplikaw mis-7 ta' Ġunju 2022.

L-infografika tispjega x'inhu l-kontenut terroristiku online u għaliex huma meħtieġa regoli ġodda

Regoli tal-UE biex jiġġieldu l-kontenut terroristiku online

Kif jaħdmu r-regoli l-ġodda?

  • Il-pajjiżi tal-UE jinnominaw l-awtoritajiet nazzjonali
  • L-awtoritajiet joħorġu ordnijiet biex jitneħħa kontenut terroristiku
  • Il-pjattaformi tal-internet għandhom siegħa biex jitneħħa l-kontenut

Fl-eventwalità ta' ksur sistematiku, pjattaforma tal-internet għandha tħallas penali sa 4% tad-dħul tagħha.

X'inhu l-kontenut terroristiku online?

Kitba, stampi, awdjo jew filmati użati biex:

  • jinċitaw atti terroristiċi
  • jagħtu struzzjonijiet dwar kif jitwettqu reati
  • jisolleċitaw il-parteċipazzjoni fi gruppi terroristiċi

Għaliex huma meħtieġa regoli tal-UE?

Sabiex jiġi evitat l-użu tal-internet mit-terroristi biex:

  • ixerrdu l-propaganda
  • jitgħallmu kif jiġu mmanifatturati l-isplussivi
  • jinċitaw it-terroriżmu minn individwi waħedhom
  • jirreklamaw jew ixerrdu permezz ta' streaming dirett l-attivitajiet tagħhom

Ir-regoli japplikaw għall-kumpaniji tal-UE biss?

Le, ir-regoli japplikaw għall-fornituri kollha li joffru servizzi fl-UE, irrispettivament jekk għandhomx il-kwartieri tagħhom f'wieħed mill-istati membri jew le.

Suġġetti

L-aħħar reviżjoni: 23 ta' Ottubru 2025