An Chomhairle Iomaíochais, 29/09/2016, 29 Meán Fómhair 2016

Na príomhthorthaí

An geilleagar comhoibríoch

Phléigh na hairí an geilleagar comhoibríoch.

Léiríodh le linn na díospóireachta go bhfuil tacaíocht mhaith ann le haghaidh geilleagar comhoibríoch a fhorbairt san Eoraip ar bhealach cothrom a rachadh chun sochair do thomhaltóirí agus do ghnólachtaí chomh maith.

Bíodh go bhfuil an geilleagar comhoibríoch in ann fás a agus fostaíocht a chruthú gan aon agó, ardaítear saincheisteanna faoin gcothroime agus faoin gcóir chomhionann leis, freisin.

Leis an ngníomhaíocht a bhíonn ar siúl ag soláthraithe príobháideacha ócáidiúla ardaítear saincheisteanna faoi stádas dlíthiúil, dliteanas agus neamhspleáchas. Gabhann an tábhacht chéanna le cearta an fhostaí, cánachas agus saincheisteanna eile a bhaineann le leas an phobail.

Mhínigh roinnt mhaith Ballstát go bhfuil an reachtaíocht intíre á nuashonrú nó á hathbhreithniú acu chun aird chuí a thabhairt ar chuspóirí beartais phoiblí, gan gníomhaíochtaí gnó a shrianadh ag an am céanna.

Chun go leanfaidh an Eoraip de bheith iomaíoch, ní mór dúinn imreoirí nua a spreagadh agus na tionscail thraidisiúnta a chosaint chomh maith céanna. D’áitíomar go láidir inniu go bhfeabhsófaí an rochtain ar dár gcomhlachtaí agus go háirithe le haghaidh fiontair atá ag iarraidh fairsingiú. Shocraíomar go dtacóimís leis an ngeilleagar comhoibríoch a fhorbairt ar bhealach cothrom freisin. Is cúis imní do chách i gcónaí an staid ina bhfuil an tionscal cruach i ngeall ar an ról fíorthábhachtach atá aige inár ngeilleagair go léir. Ní foláir dúinn bealaí a aimsiú chun déileáil leis an staid sin go prap agus go héifeachtach.” arsa Peter Žiga, cathaoirleach na Comhairle agus Aire Gheilleagar na Slóvaice

Shocraigh na Ballstáit agus an Coimisiún go bhfairfidís go géar forbairtí eacnamaíocha agus gnó d’fhonn pé gníomhaíocht a d’fhéadfaí a dhéanamh amach anseo a mheá.

• Teachtaireacht ón gCoimisiún: Clár oibre Eorpach le haghaidh geilleagar comhoibritheach

An tionscal cruach

Phléigh an Chomhairle na forbairtí is déanaí i dtionscal cruach na hEorpa.

Léirigh sí tacaíocht, maille leis an gCoimisiún, do bhearta agus do ghníomhaíochtaí chun iomaíochas na hearnála sin a mhéadú, chun í a nuashonrú agus chun cothroime iomaíochta dhomhanda a ghabháil de láimh.

• Cruach: Poist agus fás inbhuanaithe a chaomhnú san Eoraip

Rochtain ar mhaoiniú do chuideachtaí agus d’ fhiontair AE atá ag iarraidh fairsingiú

Phléigh an Chomhairle an tseiceáil is déanaí ar iomaíochas, ar “tástáil sláinte” í ar fhíorgheilleagar na hEorpa, agus aird á díriú aici ar bhealaí chun rochtain ar mhaoiniú do chuideachtaí an Aontais a fheabhsú agus do na fiontair atá ag iarraidh fairsingiú.

• Cigireacht ar an iomaíochas

Beoshruthú, físeáin agus grianghraif

• Beoshruth na seisiún poiblí agus na n-imeachtaí preasa
• Grianghraif agus físeáin ón gcruinniú, an Chomhairle Iomaíochais, 29 Meán Fómhair 2016