Kunsill Kompetittività, 29/09/2016, 29 ta' Settembru 2016

Riżultati ewlenin

Ekonomija kollaborattiva

Il-ministri ddiskutew l-ekonomija kollaborattiva.

Id-dibattitu wera inkoraġġiment konsiderevoli għal żvilupp bilanċjat tal-ekonomija kollaborattiva fl-Ewropa kemm għall-benefiċċju tal-konsumaturi kif ukoll tan-negozji.

Filwaqt li l-ekonomija kollaborattiva għandha potenzjal sinifikanti li tiġġenera t-tkabbir u toħloq l-impjiegi, din tqajjem kwistjonijiet ta’ korrettezza u trattament indaqs.

L-attività tal-fornituri privati okkażjonali tqajjem kwistjonijiet dwar status legali, responsabbiltà u indipendenza. Daqstant ieħor importanti huma d-drittijiet tal-impjegati, is-sikurezza, it-tassazzjoni u kwistjonijiet oħra ta’ interess pubbliku.

Bosta stati membri spjegaw li qed jaġġornaw jew jirrevedu l-leġislazzjoni domestika biex jittieħed kont tal-objettivi tal-politika pubblika mingħajr ma jitnaqqsu l-attivitajiet tan-negozju.

Biex l-Ewropa tibqa’ kompetittiva, irridu kemm ninkoraġġixxu atturi ġodda kif ukoll nipproteġu l-industriji tradizzjonali tagħna. Għamilna appell b’saħħtu llum biex intejbu l-aċċess għal finanzjament għad-ditti tagħna u speċifikament għal dawk li qed jikbru. Qbilna wkoll li nagħtu l-appoġġ tagħna għall-iżvilupp bilanċjat tal-ekonomija kollaborattiva. Is-sitwazzjoni fis-settur tal-azzar tibqa’ sors ta’ tħassib għal kulħadd minħabba l-pożizzjoni kruċjali tiegħu fl-ekonomiji tagħna. Irridu nsibu metodi li bihom nindirizzaw din is-sitwazzjoni b’mod rapidu u effiċjenti. Peter Žiga, president tal-Kunsill u Ministru għall-Ekonomija tas-Slovakkja

L-istati membri u l-Kummissjoni qablu li jimmonitorjaw mill-qrib l-iżviluppi ekonomiċi u tan-negozju sabiex jikkunsidraw azzjoni futura possibbli.

• Komunikazzjoni tal-Kummissjoni: Aġenda Ewropea għall-ekonomija kollaborattiva

L-industrija tal-azzar

Il-Kunsill iddiskuta l-aħħar żviluppi fl-industrija tal-azzar Ewropea.

Huwa esprima l-appoġġ, flimkien mal-Kummissjoni, għal miżuri u azzjonijiet biex tiżdied il-kompetittività tas-settur, biex titwettaq il-modernizzazzjoni tiegħu u l-istabbiliment ta’ kondizzjonijiet ekwivalenti ta’ kompetizzjoni globali.

• Azzar: Il-preservazzjoni tal-impjiegi sostenibbli u t-tkabbir fl-Ewropa

Aċċess għal finanzjament għal kumpaniji mill-UE u għal kumpaniji li qed jikbru

Il-Kunsill iddiskuta l-aħħar verifika tal-kompetittività, li hija test tas-saħħa tal-ekonomija reali, u ffoka fuq metodi għat-titjib tal-aċċess għal finanzjament għal kumpaniji u għal kumpaniji li qed jikbru mill-UE.

• Eżami tal-kompetittività

Streaming dirett, filmati u ritratti

• Streaming dirett ta’ sessjonijiet pubbliċi u okkażjonijiet għall-istampa
• Ritratti u filmati mil-laqgħa, Kunsill Kompetittività, 29 ta’ Settembru 2016