Comhairle na nGnóthaí Eacnamaíocha agus Airgeadais, 17/02/2015, 17 Feabhra 2015

Na príomhthorthaí 

Plean infheistíochta don Eoraip  

Phléigh an Chomhairle Togra lena mbunófar ciste Eorpach le haghaidh infheistíochtaí straitéiseacha, lena gcuirfear ar a laghad €315bn ar fáil, meastar, don infheistíocht phríobháideach agus phoiblí. 

Dheimhnigh an Uachtaránacht pleananna chun teacht ar chomhaontú sa Chomhairle i mí Mhárta 2015, lenar cheart go mbeifí in ann tús a chur le hinfheistíochtaí nua faoi lár na bliana 2015. 

"Tacaíodh inniu i gcoitinne leis an gcur chuige atá á mholadh againn le tamall maidir le roinnt saincheisteanna mórthábhachta", a dúirt Jānis Reirs, Aire Airgeadais na Laitvia agus Uachtarán na Comhairle. “I bhfianaise a raibh le rá ag na hAirí, beidh céad togra comhréitigh á eisiúint anois againn.” 

A bhfuil i ndán don fhás agus na míchothromaíochtaí maicreacnamaíocha   

Phléigh an Chomhairle na hionchais fáis agus na míchothromaíochtaí maicreacnamaíocha faoin “Seimeastar Eorpach”, próiseas bliantúil an Aontais Eorpaigh maidir le faireachán a dhéanamh ar bheartais. 

Ghlac sí Conclúidí, mar chuid den phróiseas lena mbeidh moltaí a bhaineann go sonrach le tíortha faoi leith á ndéanamh leis na Ballstáit i mí Iúil 2015. 

Buiséad an Aontais Eorpaigh   

Tháinig an Chomhairle ar chomhaontú maidir leis na tosaíochtaí don chaibidlíocht a dhéanfar le Parlaimint na hEorpa faoi bhuiséad an Aontais do 2016, agus mhol sí go dtabharfadh Parlaimint na hEorpa urscaoileadh don Choimisiún maidir le cur chun feidhme bhuiséad an Aontais do 2013. 

Thairis sin, chuir Cathaoirleach an Ghrúpa, Mario Monti, an chéad tuarascáil mheasúnaithe i láthair ón ngrúpa ardleibhéil atá i mbun athbhreithniú ar an gcóras acmhainní dílse do bhuiséad an Aontais. 

• An toradh a bhí ar chruinniú ECOFIN, an 17 Feabhra 2015
• Photos and videos Economic and Financial Affairs Council, 17 February 2015