An Chomhairle Gnóthaí Eacnamaíocha agus Airgeadais, 22/01/2019, 22 Eanáir 2019

Na príomhthorthaí

InvestEU

Phléigh an Chomhairle InvestEU, togra ina dtugtar le chéile faoi aon chlár amháin na hionstraimí airgeadais éagsúla atá ar fáil i láthair na huaire le tacú le hinfheistíocht agus cruthú post san Aontas, i gcomhthéacs an chéad chreata airgeadais ilbhliantúil eile (2021-2027).

Tá gá le tuilleadh infheistíochta san Eoraip chun tacú le fás agus le fostaíocht. Beidh ról nach beag ag clár InvestEU chun cuidiú le tionscadail bhonneagair fhorleathana uaillmhianacha a mhaoiniú. Ní mór dúinn a chinntiú go mbainfidh an oiread earnálacha agus réigiún san Eoraip agus is féidir tairbhe as an gclár. Eugen Teodorovici, Aire Airgeadais na Rómáine, an tír ag a bhfuil Uachtaránacht na Comhairle faoi láthair

Is éard is aidhm le InvestEU rannpháirtíocht infheisteoirí poiblí agus príobháideacha i dtionscadail nua infheistíochta a spreagadh trí ráthaíochtaí ó bhuiséad an Aontais a thabhairt. Tá beartaithe go dtacófar le ceithre réimse beartais: bonneagar inbhuanaithe; taighde, nuálaíocht agus digitiú; fiontair bheaga agus mheánmhéide; infheistíocht shóisialta agus scileanna sóisialta.

Sa phlé a bhí acu dhírigh na hairí ar dhá phríomh-shaincheist:

• struchtúr rialachais do chlár InvestEU, lena n-áirítear bord stiúrtha, agus na treoirphrionsabail lena ngabhann, a bhunú
• an ráthaíocht airgeadais a thug an tAontas do chomhpháirtithe eile seachas BEI: ba cheart 25% de ráthaíocht an Aontais a chur i leataobh d'institiúidí eile seachas BEI. Phléigh na hairí na prionsabail is bonn le leithdháileadh na coda sin den ráthaíocht.

Gheall na hairí, ar bhonn na treorach aireachta a tugadh inniu, gur mar ábhar tosaíochta a leanfaidís ar aghaidh leis an obair maidir leis an gcomhad.

• Nóta maidir le InvestEU eisithe ag Uachtaránacht na Rómáine
• Suíomh an Choimisiúin maidir le clár InvestEU atá beartaithe

An Córas Eorpach Maoirseoirí Airgeadais

Phléigh na hairí tograí chun athbhreithniú a dhéanamh ar an gcóras Eorpach maoirseoirí airgeadais atá ann faoi láthair. Mhol an Uachtaránacht tosaíocht a thabhairt do na forálacha a bhaineann le neartú na maoirseachta ar fhrithsciúradh airgid agus ar ghníomhaíochtaí mhaoiniú na sceimhlitheoireachta, fad a leanfar, mar ábhar tosaíochta, den chaibidlíocht faoin gcuid eile den athbhreithniú ar an gcóras Eorpach ar an leibhéal teicniúil agus ar an leibhéal polaitiúil araon. Beidh an t-ábhar úd ar chlár oibre ECOFIN mhí Feabhra.

Ar bhonn na treorach aireachta a tugadh, tá an Chomhairle in ann dul i mbun caibidlíocht le Parlaimint na hEorpa, agus rún aici teacht ar chomhaontú polaitiúil faoin gcomhad faoi dheireadh an téarma reachtaigh reatha.

• Seasamh ón gComhairle maidir le cumhachtaí ÚBE chun maoirseacht ar ghníomhaíochta sciúrtha airgid a dhéanamh (preaseisiúint, 19/12/2018)

An Seimeastar Eorpach

Ghlac na hairí conclúidí freisin maidir le pacáiste an 'tSeimeastair Eorpaigh' agus d'fhormheas siad dréachtmholadh maidir le beartais eacnamaíocha an limistéir euro.

• Conclúidí ón gComhairle maidir leis an suirbhé bliantúil fáis
• Conclúidí ón gComhairle i ndáil leis an tuarascáil maidir leis an sásra foláirimh
• Moladh ón gComhairle maidir le beartas eacnamaíoch an limistéir euro

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  BG ES CS DA DE ET EL EN FR HR IT LV LT HU MT NL PL PT RO SK SL FI SV

Ina theannta sin, phléigh na hairí na himpleachtaí reachtacha a bhainfidh leis an aontas eacnamaíoch agus airgeadaíochta a fhorbairt a thuilleadh tar éis chruinniú mullaigh Euro an 14 Nollaig 2018, mar aon le tosaíochtaí uachtaránacht na Rómáine i réimse na ngnóthaí eacnamaíocha agus airgeadais.