An Chomhairle um Fhostaíocht, Beartas Sóisialta, Sláinte agus Gnóthaí Tomhaltóirí, 13/10/2016, 13 Deireadh Fómhair 2016

Na príomhthorthaí

Tháinig an Chomhairle ar chomhaontú i ndáil lena seasamh ar threoir lena dtugtar cosaint d’oibrithe ó charcanaiginí ar an láthair oibre, rud a réitíonn an bóthar do chaibidlíocht le Parlaimint na hEorpa.

“Is céim thábhachtach é an comhaontú ar thángthas air inniu sa Chomhairle maidir le teorainneacha i gcás carcanaiginí agus substaintí só-ghineacha, ar céim í lena gcabhrófar linn dul i ngleic leis an bpríomhní is ciontaí le básanna a bhaineann leis an obair san Aontas Eorpach. Is é atá mar aidhm againn cabhrú 100.000 duine a shábháil sna 50 bliain atá romhainn. Léirigh an Chomhairle inniu go bhfuil sí an-tiomanta maidir le hoibrithe a chosaint.

Jan Richter, Uachtarán na Comhairle agus Aire Saothair, Gnóthaí Sóisialta agus Teaghlaigh na Slóvaice

• Carcanaiginí nó só-ghineacha ar an láthair oibre: Tagann an Chomhairle ar chomhaontú maidir lena seasamh

D’fhormheas an Chomhairle treoir i ndáil le dálaí oibre níos fearr d’iascairí. Leis an treoir tugtar éifeacht dhlíthiúil do chomhaontú idir comhpháirtithe sóisialta an Aontais Eorpaigh (Cogeca, ETF agus Europêche) in earnáil an iascaigh mhuirí.

Céim thábhachtach chun cinn é seo d’fhonn cabhrú chun dálaí oibre agus maireachtála iascairí a fheabhsú agus dea-shampla amach is amach den idirphlé sóisialta earnálach a mbíonn rath air. Táimid tar éis a áirithiú inniu go mbeidh an obair seo cumhdaithe i ndlí an Aontais, rud a rachaidh chun tairbhe gach iascaire ar fud an Aontais.

Jan Richter, Uachtarán na Comhairle agus Aire Saothair, Gnóthaí Sóisialta agus Teaghlaigh na Slóvaice

• Dálaí oibre níos fearr d’iascairí: Formheasann an Chomhairle comhaontú idir comhpháirtithe sóisialta

Phléigh an Chomhairle cur chun feidhme an mholta maidir le dífhostaíocht fhadtéarmach agus chuir an Coimisiún faoi bhráid na Comhairle a athbhreithniú ar an Ráthaíocht don Aos Óg agus ar na Tionscnaimh Fostaíochta don Ógra a foilsíodh ar an 4 Deireadh Fómhair.

Bhí díospóireacht bheartais ag an gComhairle maidir le clár oibre do scileanna nua don Eoraip, i bhfianaise a thábhachtaí atá scileanna chun poist, fás agus iomaíochas a chothabháil.

Chuir an uachtaránacht agus an Coimisiún an Chomhairle ar an eolas faoi na hullmhúcháin don Chruinniú Mullaigh Tríthaobhach ar an 19 Deireadh Fómhair agus faoi na forbairtí is déanaí a bhaineann leis an tús nua don idirphlé sóisialta.

Ghlac an Chomhairle conclúidí maidir leis an “tuarascáil ó Chúirt Iniúchóirí na hEorpa i ndáil le tionscnaimh bheartais agus tacaíocht airgeadais ón Aontas do lánpháirtiú na Romach”.

• Clár Oibre do Scileanna Nua don Eoraip