"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
An Chomhairle Fostaíochta, Beartais Shóisialta, Sláinte agus Gnóthaí Tomhaltóirí
Físchomhdháil na n-airí sláinte, 30 Deireadh Fómhair 2020
Na príomhthorthaí
Sláinte
Bhí malartú tuairimí ag na hairí sláinte maidir leis na dréacht-Chonclúidí ón gComhairle agus ó ionadaithe rialtais na mBallstát maidir le ról an Aontais i ndáil le EDS a neartú. Is é is aidhm do na conclúidí rannchuidiú le comhordú idirghabhálacha na mBallstát ag an 73ú Comhthionól Domhanda Sláinte a tionóladh an athuair; is é comhlacht cinnteoireachta EDS é an Comhthionól Domhanda Sláinte.
Tá an Eagraíocht Dhomhanda Sláinte ag crosbhóthar. Tar éis na mblianta de dhúshláin thromchúiseacha, agus i gcomhthéacs na paindéime reatha nach bhfacthas a leithéid riamh roimhe seo, is léir gur gá tuilleadh acmhainní a chur ar fáil dó. Léirigh an díospóireacht thráthúil a bhí againn go bhfuil an tAontas réidh chun ról ceannasach a ghlacadh agus na hiarrachtaí domhanda a stiúradh chun EDS a athchóiriú. Tá sé mar aidhm againn EDS a dhéanamh níos láidre agus níos cumasaí chun sláinte daoine ar fud an domhain a chinntiú.
Jens Spahn, Aire Cónaidhme Sláinte na Gearmáine
Roinn na hairí a dtuairimí maidir leis an gceist seo a leanas:
cad iad na céimeanna nithiúla is féidir le Ballstáit an Aontais a dhéanamh chun na cuspóirí a leagtar amach sna dréacht-Chonclúidí a bhaint amach d’fhonn tacú leis an bpróiseas chun EDS a neartú agus é a threorú?
Ba dhíol sásaimh do na toscaireachtaí uile na dréacht-Chonclúidí ón gComhairle agus an tiomantas atá ag an Aontas ról ceannasach gníomhach a imirt i réimse na sláinte domhanda. Chomhaontaigh na hairí go bhfuil EDS níos láidre ríthábhachtach chun sláinte daoine ar fud an domhain a chinntiú. Chuir siad i dtreis gur tosaíocht é an eagraíocht a neartú chun éifeachtúlacht níos fearr a bhaint amach agus chun cumais oibríochtúla níos fearr a chinntiú.
Leag na hairí béim ar a thábhachtaí atá sé ról EDS a neartú maidir le treoir normatach a sholáthar, ullmhacht a neartú, an córas foláirimh atá ann faoi láthair a athbhreithniú agus na Rialacháin Sláinte Idirnáisiúnta a chur chun feidhme ar bhealach níos fearr. D’iarr siad freisin go dtabharfaí tuilleadh tacaíochta don chur chuige ‘Aon Sláinte Amháin’ chun torthaí sláinte poiblí níos fearr a bhaint amach.
Chuir an uachtaránacht na hairí ar an eolas faoin moladh ón gComhairle maidir le cur chuige comhordaithe i ndáil le srian a chur ar shaorghluaiseacht mar fhreagairt ar phaindéim COVID-19.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Tá an Eagraíocht Dhomhanda Sláinte ag crosbhóthar. Tar éis na mblianta de dhúshláin thromchúiseacha, agus i gcomhthéacs na paindéime reatha nach bhfacthas a leithéid riamh roimhe seo, is léir gur gá tuilleadh acmhainní a chur ar fáil dó. Léirigh an díospóireacht thráthúil a bhí againn go bhfuil an tAontas réidh chun ról ceannasach a ghlacadh agus na hiarrachtaí domhanda a stiúradh chun EDS a athchóiriú. Tá sé mar aidhm againn EDS a dhéanamh níos láidre agus níos cumasaí chun sláinte daoine ar fud an domhain a chinntiú.
