An Grúpa Euro, 12/09/2015, 12 Meán Fómhair 2015

Na príomhthorthaí

An staid eacnamaíoch

Phléigh an Grúpa Euro an staid eacnamaíoch sa limistéar euro, i ndiaidh cur i láthair ón gCoimisiún Eorpach agus ón mBanc Ceannais Eorpach.

Meastar go leanfaidh an téarnamh eacnamaíoch ar aghaidh a limistéar euro, ach ag ráta níos moille ná mar a measadh roimhe seo. Baineann an lagtrá sin le fachtóirí seachtracha, amhail fás níos moille sa tSín agus i ngeilleagair i margaí eile atá ag teacht chun cinn.

Mar sin, ní mór don limistéar euro leanúint de bheartais fhónta bhuiséadacha agus athchóirithe struchtúracha a shaothrú chun fás cothrom agus inbhuanaithe a bhaint amach.

Plé téamach faoin bhfás agus faoi phoist

Lean an Grúpa Euro den phlé faoi na bealaí ina bhféadfaí an t-ualach ard cánach ar shaothar sa limistéar euro a laghdú, ualach atá ar an gceann is airde sa domhain faoi láthair.

Tháinig na hAirí ar chomhaontú faoi thagarmharcáil neamhfhoirmiúil i ndáil le cánachas saothair sa limistéar euro agus ghlac siad ráiteas i ndáil leis sin. Trí thagarmharcáil, beidh na Ballstáit in ann a gcás féin a chur i gcomparáid leis an gcás i dtíortha eile agus beartais náisiúnta á nglacadh acu.

• Ráiteas ón nGrúpa Euro maidir le tagarmharcáil an ualaigh chánach ar shaothar, 12 Meán-Fómhair 2015

An Chipir

Ba dhíol sásaimh don Ghrúpa Euro an 7ú athbhreithniú ar an gclár leanúnach coigeartaithe eacnamaíoch don Chipir. Leis sin, réitítear an bealach do nósanna imeachta formheasa i mBallstáit áirithe, agus ina dhiaidh sin, formheasfaidh bord gobharnóirí an tSásra Chobhsaíochta Eorpaigh an eisíocaíocht EUR 500 milliún ar bhonn foirmiúil i mí Dheireadh Fómhair.

• Ráiteas ón nGrúpa Euro maidir leis an gCipir, 12 Meán-Fómhair 2015
• Ráiteas ón gCoimisiún, ón mBanc Ceannais Eorpach agus ón gCiste Airgeadaíochta Idirnáisiúnta maidir leis an gCipir

An Ghréig

Cuireadh an Grúpa Euro ar an eolas faoin méid is déanaí a tharla sa Ghréig.

Tá sé muiníneach go gcomhoibreoidh an rialtas nua, a bhunófar tar éis na n-olltoghchán níos déanaí an mhí seo, lena chomhpháirtithe sa limistéar euro agus leis na hinstitiúidí le clár nua na Gréige maidir le coigeartú eacnamaíoch, a comhaontaíodh i mí Lúnasa, a chur chun feidhme.

• Cruinniú an Ghrúpa Euro, an 14 Lúnasa 2015
• Formheasann Bord Gobharnóirí an tSásra Chobhsaíochta Eorpaigh (SCE) clár SCE don Ghréig

Féach freisin:

• Clár oibre an Ghrúpa Euro
• Uachtarán an Ghrúpa Euro
• an Sásra Cobhsaíochta Eorpach