"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Forbairtí maicreacnamaíocha agus ionchais bheartais sa limistéar euro
Bhí malartú tuairimí ag an nGrúpa Euro faoi fhorbairtí maicreacnamaíocha agus ionchais bheartais sa limistéar euro.
I bhfianaise na héiginnteachta agus an dúshláin atá romhainn, ní mór ár n-iarrachtaí airgeadaíochta agus buiséadacha a chomhordú i gcónaí. Ó thaobh an Ghrúpa Euro de, tá sé tábhachtach go dtabharfaimis aghaidh ar ullmhúcháin náisiúnta bhuiséadacha ar bhealach comhordaithe chun cabhrú linn ár gcinntí beartais a mhúnlú, go háirithe agus dlús á chur le próiseas an vacsaínithe agus tús á chur leis an téarnamh de réir a chéile.
Paschal Donohoe, Uachtarán an Ghrúpa Euro
Bhí an plé bunaithe ar Réamhaisnéis Gheimhridh an Choimisiúin do 2021, agus ar an bhfaisnéis is déanaí faoi fhorbairtí sláinte, agus í curtha i láthair ag Michael Ryan, Stiúrthóir Feidhmiúcháin na hEagraíochta Domhanda Sláinte (EDS) ar a Clár Éigeandálaí Sláinte, agus ag Bruce Aylward, Comhairleoir Sinsearach atá freagrach as Misean Comhpháirteach EDS-na Síne maidir le COVID-19.
Nuair a thosóimid ag teacht as an ngéarchéim sláinte, beidh orainn ár bhfreagairt beartais a oiriúnú, agus sin a dhéanamh de réir a chéile – sin rud a phléifimid go rialta sna míonna amach romhainn mar gurb é leas an uile dhuine an fás a chothú arís ar bhealach rathúil aontaithe.
Paschal Donohoe, Uachtarán an Ghrúpa Euro
Phléigh na hairí ról idirnáisiúnta an euro. Bhí an plé seo ag teacht sna sála ar an treoir ó Chruinniú Mullaigh Euro mhí na Nollag 2020, agus ar fhoilsiú na teachtaireachta ón gCoimisiún Eorpach an 19 Eanáir 2021 dar teideal The European economic and financial system: fostering strength and resilience [Córas eacnamaíoch agus airgeadais na hEorpa: an neart agus an teacht aniar a chothú].
Is é an aidhm atá ann ár spleáchas ar airgeadraí eile a laghdú, agus ár n-uathriail a neartú i gcásanna éagsúla. Ag an am céanna, agus méadú ar úsáid idirnáisiúnta ár n-airgeadra i gceist, tugtar le tuiscint go bhféadfadh comhbhabhtáil a bheith i gceist, rud a leanfaimid d'fhaireachán a dhéanamh air. Le linn an phlé, leag na hairí béim freisin ar an acmhainneacht a bhaineann le bannaí glasa a eisiúint chun feabhas a chur ar an úsáid a bhaineann na margaí as an euro, agus chun cuidiú lenár gcuspóir um aistriú in aghaidh an athraithe aeráide a bhaint amach ag an am céanna.
Paschal Donohoe, Uachtarán an Ghrúpa Euro
Tá plé déanta ag an nGrúpa Euro ar an tsaincheist roinnt uaireanta le blianta beaga anuas ó Chruinniú Mullaigh Euro mhí na Nollag 2018 nuair a iarradh go leanfaí ar aghaidh leis an obair.
Sócmhainneacht na hearnála corparáidí – an staid mar atá
Phléigh na hairí na forbairtí is déanaí maidir le sócmhainneacht na hearnála corparáidí bunaithe ar nóta a d’ullmhaigh an Coimisiún. Tá tionchar mór imeartha ag paindéim COVID-19 ar an earnáil chorparáideach, rud a thug ar rialtais bearta tacaíochta poiblí nach bhfacthas a leithéid riamh roimhe a leathnú chuig an ngeilleagar.
Idir an tacaíocht atá curtha ar fáil againn ar an leibhéal náisiúnta, agus an creat a chomhaontaíomar ar an leibhéal Eorpach, táthar ag cabhrú leis an dé a choinneáil i gcuid mhór gnólachtaí le linn na dianghlasála. D’éirigh go maith leis sin ach is eol dúinn go bhféadfadh tréimhsí deacra a bheith ann amach anseo. Is cinnte go bhfuil todhchaí mhaith roimh fhormhór na ngnólachtaí, ach ar ndóigh, beidh am ag teastáil ó chuid mhaith acu chun a gcláir comhardaithe a fheabhsú. Ar an drochuair, seans nach dtiocfaidh cuid acu slán san fhadtéarma mar gheall ar an athrú atá tagtha ar chúrsaí sláinte, rud a fhágfaidh a lorg féin ar struchtúir na ngeilleagar amach anseo.
Paschal Donohoe, Uachtarán an Ghrúpa Euro
Phléigh na hairí an gá atá le faireachán a dhéanamh ar an staid mar atá san earnáil chorparáideach, agus an bealach is fearr le tacaíocht den sórt sin a spriocdhíriú. Déanfar plé téamach ar chreataí dócmhainneachta i mí Aibreáin.
Nithe ilghnéitheacha
Dréachtphlean buiséadach nuashonraithe na Liotuáine
Phléigh an Grúpa Euro dréachtphlean buiséadach nuashonraithe na Liotuáine do 2021, bunaithe ar an tuairim ón gCoimisiún a eisíodh an 21 Eanáir 2021.
Chuir an tAire Keit Pentus-Rosimannus tosaíochtaí beartais rialtas nua na hEastóine i láthair. Gnáthchleachtas den Ghrúpa Euro is ea é sin nuair a thagann rialtais nua i mbun oifige.
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
I bhfianaise na héiginnteachta agus an dúshláin atá romhainn, ní mór ár n-iarrachtaí airgeadaíochta agus buiséadacha a chomhordú i gcónaí. Ó thaobh an Ghrúpa Euro de, tá sé tábhachtach go dtabharfaimis aghaidh ar ullmhúcháin náisiúnta bhuiséadacha ar bhealach comhordaithe chun cabhrú linn ár gcinntí beartais a mhúnlú, go háirithe agus dlús á chur le próiseas an vacsaínithe agus tús á chur leis an téarnamh de réir a chéile.
