"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Plé téamach: Míchothromaíochtaí sa limistéar euro tar éis ghéarchéim COVID-19
Bhí plé téamach ag an nGrúpa Euro ar na míchothromaíochtaí maicreacnamaíocha atá sa limistéar euro ar bhonn nóta teicniúil a d'ullmhaigh an Coimisiún Eorpach.
Phléigh na hairí a mhéid a ghéaraigh géarchéim COVID-19 ar na míchothromaíochtaí maicreacnamaíocha atá ann cheana ar leibhéal an limistéir euro agus na straitéisí beartais a bhfuil gá leo chun freagairt dóibh.
Thíolaic an Coimisiún anailís ina léirítear an chaoi a bhfuil an baol ann go gcuirfidh géarchéim COVID-19 leis na míchothromaíochtaí maicreacnamaíocha atá sa limistéar euro cheana féin. Ach, ar ndóigh, cé gur admhaíomar an baol sin, d'admhaíomar freisin le roinnt seachtainí anuas go bhfuil dul chun cinn an-dearfach déanta. (...) Tá a fhios againn fós sa Ghrúpa Euro gur gá leanúint de thacaíocht a thabhairt do theaghlaigh, d’oibrithe agus do ghnólachtaí agus iad ag tabhairt aghaidh ar na hiarmhairtí eacnamaíocha a bhaineann le srianta fada sláinte. Sa phlé a bhí againn inniu, athdhearbhaíodh an comhdhearcadh an-láidir gur gá seasamh tacúil buiséadach a choinneáil ar bun.
Paschal Donohoe, Uachtarán an Ghrúpa Euro
Pleananna téarnaimh agus athléimneachta
Bhí malartú tuairimí ag na hairí maidir leis na pleananna náisiúnta téarnaimh agus athléimneachta a ullmhú i gcomhréir leis na tosaíochtaí a comhaontaíodh sa mholadh maidir leis an limistéar euro.
Is cleachtadh gan fasach é pleananna den chineál sin a chur le chéile, agus is luachmhar go deo an rud é an t-idirphlé laistigh den Ghrúpa Euro i ndáil leis sin, ionas go mbeidh na hairí in ann a dtaithí a roinnt le chéile agus foghlaim óna chéile. Leanfaimid de chomhsheasmhacht agus comhleanúnachas a chothú idir beartais náisiúnta, úsáid na saoráide téarnaimh agus tosaíochtaí an limistéir euro.
Paschal Donohoe, Uachtarán an Ghrúpa Euro
An tSaoráid Téarnaimh agus Athléimneachta (Grafaic faisnéise)
Formáid chuimsitheach (AE 27)
An caidreamh leis na Stáit Aontaithe sa réimse airgeadaíochta agus airgeadais
Bhí malartú tuairimí ag an nGrúpa Euro maidir leis an gcóras domhanda airgeadaíochta agus airgeadais agus go háirithe maidir leis na hionchais don chomhar trasatlantach. Tugadh cuireadh do Lawrence H. Summers, ollamh in Ollscoil Harvard agus iar-Rúnaí Státchiste na Stát Aontaithe, a léargas agus a thaithí a roinnt leis an nGrúpa Euro.
Bhí lúcháir orainn an tOllamh Summers a bheith inár measc lena léargas a roinnt linn bunaithe ar na blianta fada dá thaithí ceaptha beartas eacnamaíochta agus bainistíochta géarchéime. Chuir an ghéarchéim seo i gcuimhne dúinn go dtéann fadhbanna agus réitigh araon thar theorainneacha náisiúnta agus cúnga. Ach bhraith mé inniu an dóchas céanna ag cách sa Ghrúpa Euro go bhfeicfimid dinimic nua inár rannpháirtíocht leis na comhpháirtithe is tábhachtaí dár gcuid.
Paschal Donohoe, Uachtarán an Ghrúpa Euro
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Thíolaic an Coimisiún anailís ina léirítear an chaoi a bhfuil an baol ann go gcuirfidh géarchéim COVID-19 leis na míchothromaíochtaí maicreacnamaíocha atá sa limistéar euro cheana féin. Ach, ar ndóigh, cé gur admhaíomar an baol sin, d'admhaíomar freisin le roinnt seachtainí anuas go bhfuil dul chun cinn an-dearfach déanta. (...) Tá a fhios againn fós sa Ghrúpa Euro gur gá leanúint de thacaíocht a thabhairt do theaghlaigh, d’oibrithe agus do ghnólachtaí agus iad ag tabhairt aghaidh ar na hiarmhairtí eacnamaíocha a bhaineann le srianta fada sláinte. Sa phlé a bhí againn inniu, athdhearbhaíodh an comhdhearcadh an-láidir gur gá seasamh tacúil buiséadach a choinneáil ar bun.
