"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Vidjokonferenza tal-Grupp tal-Euro, 15 ta' Frar 2021
Riżultati ewlenin
Żviluppi makroekonomiċi u prospetti ta' politika fiż-żona tal-euro
Il-Grupp tal-Euro kellu skambju ta' fehmiet dwar l-iżviluppi makroekonomiċi u l-prospetti ta' politika fiż-żona tal-euro.
Fid-dawl tal-inċertezza u l-isfida, għad hemm ħtieġa kbira li nikkoordinaw l-isforzi monetarji tagħna u baġitarji tagħna. Mill-perspettiva tal-Grupp tal-Euro, huwa importanti li nindirizzaw it-tħejjijiet baġitarji nazzjonali b'mod koordinat biex ngħinu fit-tfassil tad-deċiżjonijiet ta' politika tagħna, b'mod partikolari hekk kif il-proċess tat-tilqim jaċċellera u l-irkupru tagħna jibda bil-mod.
Paschal Donohoe, President tal-Grupp tal-Euro
Id-diskussjoni kienet ibbażata fuq it-Tbassir tax-Xitwa tal-Kummissjoni Ewropea 2021 u l-aħħar informazzjoni dwar l-iżviluppi tas-saħħa ppreżentati minn Michael Ryan, Direttur Eżekuttiv tal-Organizzazzjoni Dinjija tas-Saħħa (WHO) għall-Programm dwar l-Emerġenzi tas-Saħħa u Bruce Aylward, Konsulent Għoli responsabbli għall-Missjoni Konġunta WHO-Ċina dwar il-COVID-19.
Meta nibdew noħorġu mill-kriżi tas-saħħa, ir-rispons ta' politika tagħna ser ikollu bżonn jadatta iżda gradwalment - huwa xi ħaġa li ser nitkellmu dwaru b'mod regolari fix-xhur li ġejjin peress li aħna lkoll għandna interess f'ritorn b'suċċess u magħqud għat-tkabbir.
Paschal Donohoe, President tal-Grupp tal-Euro
Il-ministri ddiskutew ir-rwol internazzjonali tal-euro. Id-diskussjoni segwiet il-gwida tas-Summit tal-Euro ta' Diċembru 2020 u l-pubblikazzjoni tal-komunikazzjoni tal-Kummissjoni Ewropea tad-19 ta' Jannar 2021 "Is-sistema ekonomika u finanzjarja Ewropea: it-trawwim tal-ftuħ, tas-saħħa u tar-reżiljenza".
L-għan huwa li titnaqqas id-dipendenza tagħna fuq muniti oħra, u li tissaħħaħ l-awtonomija tagħna f'diversi sitwazzjonijiet. Fl-istess ħin, żieda fl-użu internazzjonali tal-munita tagħna timplika wkoll kompromessi potenzjali, li ser inkomplu nissorveljaw. Matul id-diskussjoni, il-ministri enfasizzaw ukoll il-potenzjal tal-ħruġ ta' bonds ekoloġiċi biex jissaħħaħ l-użu tal-euro mis-swieq filwaqt li jingħata kontribut ukoll biex jintlaħaq l-objettiv tagħna tat-tranżizzjoni klimatika.
Paschal Donohoe, President tal-Grupp tal-Euro
Il-Grupp tal-Euro ddiskuta l-kwistjoni diversi drabi dawn l-aħħar snin minn meta s-Summit tal-Euro ta' Diċembru 2018 talab li l-ħidma titmexxa 'l quddiem.
Il-ministri kellhom skambju ta' fehmiet dwar l-iżviluppi reċenti fis-solvenza tas-settur korporattiv abbażi ta' nota mħejjija mill-Kummissjoni. Il-pandemija tal-COVID-19 kellha impatt qawwi fuq is-settur korporattiv, u wasslet lill-gvernijiet biex jestendu miżuri ta' appoġġ pubbliku mingħajr preċedent għall-ekonomija.
L-appoġġ li stabbilixxejna fil-livell nazzjonali u l-qafas li qbilna dwaru fil-livell Ewropew kollha għenu biex ħafna negozji jibqgħu għaddejjin waqt il-lockdowns. Din kienet storja ta' suċċess, iżda aħna konxji li jista' jkun hemm żminijiet diffiċli fil-futur. Il-parti l-kbira tan-negozji ċertament għandhom futur tajjeb, iżda naturalment, ħafna negozji ser ikollhom bżonn iż-żmien biex isewwu l-karti tal-bilanċ tagħhom u sfortunatament, jista' jkun hemm xi wħud li mhux ser ikunu vijabbli aktar fit-tul minħabba ċirkostanzi ta' saħħa li qed jinbidlu, u xi jkun ifisser dan għal kif l-ekonomiji huma strutturati.
Paschal Donohoe, President tal-Grupp tal-Euro
Il-ministri ddiskutew il-ħtieġa li tiġi ssorveljata s-sitwazzjoni fis-settur korporattiv u dwar kif l-aħjar jiġi mmirat dan l-appoġġ. Imbagħad ikun hemm diskussjoni tematika dwar l-oqfsa tal-insolvenza f'April.
Mixxellanji
Abbozz aġġornat tal-pjan baġitarju tal-Litwanja
Il-Grupp tal-Euro ddiskuta l-abbozz aġġornat tal-pjan baġitarju tal-Litwanja għall-2021, abbażi tal-opinjoni tal-Kummissjoni maħruġa fil-21 ta' Jannar 2021.
Prijoritajiet ta' politika tal-gvern il-ġdid tal-Estonja
Il-Ministru Keit Pentus-Rosimannus ippreżenta l-prijoritajiet ta' politika tal-gvern il-ġdid tal-Estonja. Din hija prattika standard fil-Grupp tal-Euro meta gvernijiet ġodda jibdew il-mandat tagħhom.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Fid-dawl tal-inċertezza u l-isfida, għad hemm ħtieġa kbira li nikkoordinaw l-isforzi monetarji tagħna u baġitarji tagħna. Mill-perspettiva tal-Grupp tal-Euro, huwa importanti li nindirizzaw it-tħejjijiet baġitarji nazzjonali b'mod koordinat biex ngħinu fit-tfassil tad-deċiżjonijiet ta' politika tagħna, b'mod partikolari hekk kif il-proċess tat-tilqim jaċċellera u l-irkupru tagħna jibda bil-mod.
