"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Le cead uaitse, úsáidfimid fianáin le sonraí comhlánaithe anaithnide a tháirgeadh maidir le brabhsáil agus iompraíocht na gcuairteoirí ar ár suíomh gréasáin. Úsáidfimid na sonraí sin chun feabhas a chur ar an eispéireas agat ar ár suíomh.
Chuir Uachtarán an Ghrúpa Euro, Paschal Donohoe, faisnéis ar fáil don Ghrúpa Euro faoi chruinnithe earraigh Ghrúpa an Bhainc Dhomhanda agus an Chiste Airgeadaíochta Idirnáisiúnta ar fhreastail sé orthu ar son an limistéir euro.
Plé téamach ar chreataí dócmhainneachta
Bhí plé téamach ag an nGrúpa Euro ar na creataí dócmhainneachta bunaithe ar nóta teicniúil a d'ullmhaigh an Coimisiún.
Tá creataí dócmhainneachta éifeachtacha éifeachtúla an-tábhachtach chun téarnamh níos gasta a bhaint amach mar aon le fás níos stóinsí agus comhtháthú níos doimhne laistigh den limistéar euro amach anseo.
An euro mar airgeadra digiteach
Rinne na hairí airgeadais a marana ar an obair atá ar bun maidir leis an euro mar airgeadra digiteach. Is ar thuarascáil ó BCE a bunaíodh an plé, tuarascáil ina dtugtar tuairisc ar thorthaí an chomhairliúcháin i dtaobh euro digiteach a seoladh an 12 Deireadh Fómhair 2020.
Is tionscadal tábhachtach é an euro digiteach, ní hamháin go teicniúil, ach ó thaobh na polaitíochta de freisin, agus measaim go mbeidh ról tábhachtach ag airí an Ghrúpa Euro maidir le breithniú a dhéanamh ar an gcás ar son airgeadra digiteach agus ar na gnéithe polaitiúla a ghabhann leis.
Paschal Donohoe, Uachtarán an Ghrúpa Euro
Rinne na hairí athbhreithniú ar chleachtais reatha an Ghrúpa Euro maidir leis an trédhearcacht.
Le blianta beaga anuas, tá dul chun cinn suntasach déanta ag an nGrúpa Euro maidir le feabhas a chur ar thrédhearcacht a chuid oibre agus cur lena chur chuige i leith na cumarsáide poiblí. Déanann sé athbhreithniú ar a bheartas trédhearcachta go rialta.
Formáid chuimsitheach (AE27)
An t-aontas baincéireachta
Chuir Cathaoirleach na Meithle Ardleibhéil um Scéim Eorpach Árachais Taiscí (SEAT), Tuomas Saarenheimo, na hairí ar an eolas faoin dul chun cinn atá déanta maidir le plean oibre a ullmhú ar bhonn comhthola. Plean oibre é sin a leagfar amach céim ar chéim agus a mbeidh ceangal ama ag gabháil leis maidir leis na gnéithe sin atá fós gan réiteach agus a theastaíonn chun an t-aontas baincéireachta a thabhairt chun críche. Iarradh an tuarascáil ag an gCruinniú Mullaigh Euro i mí na Nollag 2020.
Tá ár gcóras baincéireachta tar éis a athléimneacht a chruthú go dtí seo le linn ré COVID-19, a bhuí sin lenár gcomhiarrachtaí féin le deich mbliana anuas chun an t-aontas baincéireachta a fhorbairt agus a neartú go dtí seo. Mar sin, cé go bhfuil an-chuid déanta againn go dtí seo, gheall a raibh i láthair go bhfiosrófaí cé mar ab fhéidir níos mó a bhaint amach.
Paschal Donohoe, Uachtarán an Ghrúpa Euro
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Is tionscadal tábhachtach é an euro digiteach, ní hamháin go teicniúil, ach ó thaobh na polaitíochta de freisin, agus measaim go mbeidh ról tábhachtach ag airí an Ghrúpa Euro maidir le breithniú a dhéanamh ar an gcás ar son airgeadra digiteach agus ar na gnéithe polaitiúla a ghabhann leis.
