An Chomhairle Gnóthaí Eachtracha - 10-13/12/2017, 10-13 Nollaig 2017

Na príomhthorthaí

Comhdháil aireachta na hEagraíochta Domhanda Trádála

Tháinig an Chomhairle le chéile le linn an 11ú Comhdháil Aireachta de chuid na hEagraíochta Domhanda Trádála in Buenos Aires, ón 10-13 Nollaig. Ag tús na comhdhála, ghlac an Chomhairle conclúidí ina leagtar amach seasamh an Aontais maidir leis an gcaibidlíocht. Ina dhiaidh sin, choinnigh an Coimisiún na Ballstáit ar an eolas ar bhonn rialta maidir le forbairtí le linn na comhdhála.

Ag deireadh na comhdhála, ghlac an Chomhairle conclúidí inar léirigh sí go raibh díomá uirthi maidir leis an toradh a baineadh amach, in ainneoin iarracht mhór an Aontais dul chun cinn a dhéanamh maidir leis na príomh-shaincheisteanna a pléadh. Ba díol aifeála ag an gComhairle nárbh fhéidir pacáiste a bheadh uaillmhianach ach fós féin réalaíoch agus cothrom a bhaint amach ag an gcomhdháil.

Faoi chreat na comhdhála, bhí an tAontas ina pháirtí i dtacar ráiteas a eisíodh, i ndáil leis an r-thráchtáil, clár oibre neamhfhoirmiúil maidir le MFBManna, agus maidir leis an infheistíocht a éascú ar mhaithe le forbairt agus le rialáil intíre ar sheirbhísí. Sa chomhthéacs sin, d’fhormhuinigh an Chomhairle na cinntí aireachta a cuireadh i láthair na comhdhála.

• An 11ú Comhdháil Aireachta de chuid na hEagraíochta Domhanda Trádála