An Chomhairle Gnóthaí Eachtracha, 22/01/2018, 22 Eanáir 2018

Na príomhthorthaí

Próiseas Síochána an Mheánoirthir

Bhí lón neamhfhoirmiúil ag an Ardionadaí agus ag airí eachtracha an Aontais le hUachtarán na Palaistíne, Mahmoud Abbas, i gcomhthráth le cruinniú na Comhairle. D’athdhearbhaigh an tAontas, le linn lóin a chaitheamh le hUachtarán na Palaistíne Mahmoud Abbasa, a theachtaireachtaí aontaithe, soiléire ar a thábhachtaí atá sé go gcaomhnófaí réiteach dhá stát agus maidir le stádas Iarúsailéim mar phríomhchathair amach anseo ar dhá stát.

Leanfaidh an tAontas de réiteach dhá stát a chur chun cinn. Cuirfidh an tAontas i gcoinne na ngníomhaíochtaí lonnaíochta atá dar leis an Aontas neamhdhleathach faoin dlí idirnáisiúnta. Ní mór labhairt go stuama, gníomhú go críonna agus go seasta síoraí a bheith tuisceanach ar an bhfreagracht chun an sprioc seo a bhaint amach. Ní tráth faillí é seo; ach a mhalairt go deimhin. Creidimidne, nár mhór do Phalaistínigh agus Iosraelaigh a léiriú níos mó ná riamh, a gcaidreamh leis an gcomhpobal idirnáisiúnta, leis na príomhghníomhaithe sa phróiseas ionas go mbeifear in ann a theacht ar thoradh caibidlithe. Federica Mogherini, an tArdionadaí do Ghnóthaí Eachtracha agus don Bheartas Slándála

Sular chaith siad lón neamhfhoirmiúil, phléigh an Chomhairle an dul chun cinn is déanaí maidir le Próiseas Síochána an Mheánoirthir. D’fhiosraigh na hairí cé mar is féidir leis an Aontas rannpháirtíocht a áirithiú idir na gníomhaithe ábhartha uile ar mhaithe le dul chun cinn an phróisis síochána.

• Próiseas síochána an Mheánoirthir (SEGS)

An Libia

Chuaigh an Chomhairle i mbun díospóireachta ar an Libia. Thug Ionadaí Speisialta Ard-Rúnaí na Náisiún Aontaithe Ghassam Salamé forléargas ar an bpróiseas síochána sa Libia, chomh maith leis an dul chun cinn atá déanta maidir le bunreacht nua a ghlacadh agus ar na toghcháin, a bheidh ar siúl amach anseo. Thacaigh na hairí eachtracha ar fad leis sna hiarrachtaí atá ar bun aige aontacht agus athmhuintearas a bhaint amach sa tír.

Phléigh na hairí eachtracha an tábhacht a bhaineann le rannpháirtíocht an Aontais sa Libia ionas tacú leis na Náisiúin Aontaithe ina n-iarrachtaí siúd chun cobhsaíocht pholaitiúil a fhorbairt sa tír, chomh maith le gníomhaireachtaí na Náisiún Aontaithe atá i mbun oibre ar cheist na n-imirceach sa Libia. Leag na hairí béim freisin ar an tábhacht a bheith ag obair i gcomhar le tíortha tionscnaimh, go mór mór i réigiún na Saiheile.

• Caidreamh idir an tAontas agus an Libia (SEGS)

An caidreamh amach anseo le Stáit san Afraic, sa Mhuir Chairib agus san Aigéan Ciúin

Bhí plé tosaigh ag na hairí eachtracha ar an moladh ón gCoimisiún agus ar na dréacht-treoracha caibidlíochta ón 12 Nollaig 2017, eadhon comhaontú a bheidh ann amach anseo idir an tAontas agus tíortha ACC, ar an ábhar go rachaidh an comhaontú reatha, Comhaontú Cotonou in éag ar an 29 Feabhra 2020.

Thacaigh na hairí eachtracha i gcoitinne le cur chuige an Choimisiúin tabhairt faoi bhrat-chomhaontú ag leibhéal ACC chomh maith le 3 chomhpháirtíocht réigiúnacha shonracha don Afraic, don Mhuir Chairib agus don Aigeán Ciúin. Leag siad béim ar a thábhachtaí atá sé go dtógfaí ar an taithí a baineadh as an gcomhar a rinneadh faoi Chomhaontú Cotonou, go mór mór an t-idirphlé polaitiúil agus ceist na himirce.

Leanfaidh comhlachtaí ábhartha ullmhúcháin de chuid na Comhairle leis an bplé ar an sainordú caibidlíochta ionas cinneadh a ghlacadh údarú chun caibidlíocht a chur ar bun agus treoracha idirbheartaíochta a ghlacadh faoin gcéad ráithe de 2018.

• Comhaontú Cotonou (faisnéis chúlra)