Kunsill Affarijiet Barranin, 10-13/12/2017, 10-13 ta' Diċembru 2017

Riżultati ewlenin

Konferenza ministerjali tad-WTO

Il-Kunsill iltaqa’ fil-marġini tal-11-il konferenza ministerjali tal-Organizzazzjoni Dinjija tal-Kummerċ fi Buenos Aires mill-10 sat-13 ta’ Diċembru biex jikkoordina l-pożizzjoni tal-UE. Fil-bidu tal-konferenza, il-Kunsill adotta konklużjonijiet li jistabbilixxu l-pożizzjoni tal-UE għan-negozjati. L-Istati Membri mbagħad ġew infurmati fuq bażi regolari mill-Kummissjoni dwar l-iżviluppi matul il-konferenza.

Fi tmiem il-konferenza, il-Kunsill adotta konklużjonijiet fejn esprima diżappunt dwar ir-riżultat miksub, minkejja l-isforz qawwi li għamlet l-UE biex isir progress fuq il-kwistjonijiet ewlenin li kienu qed jiġu diskussi. Il-ministri ddispjaċihom ukoll li ma kienx possibbli li jinkiseb pakkett ambizzjuż iżda realistiku u bbilanċjat għall-konferenza.

Fil-qafas tal-konferenza, l-UE qablet ma’ għadd ta’ dikjarazzjonijiet marbuta b’mod partikolari mal-kummerċ elettroniku, programm ta’ ħidma informali għall-intrapriżi mikro, żgħar u ta’ daqs medju, il-faċilitazzjoni tal-investiment għall-iżvilupp u r-regolamentazzjoni domestika fis-settur tas-servizzi. Il-Kunsill approva wkoll id-Deċiżjonijiet Ministerjali ppreżentati fil-konferenza.

• Il-11-il konferenza ministerjali tad-WTO