"Bainimid úsáid as fianáin lena chinntiú go bhfeabhsaítear d’eispéireas brabhsála. Tá gá le fianáin riachtanacha chun tacú le gnéithe bunriachtanacha de shuíomh gréasáin na Comhairle. Cuidíonn na fianáin roghnacha linn tuarascálacha staidrimh anaithnide, comhiomlánaithe a tháirgeadh chun freastal níos fearr ar do chuid riachtanas.
Físchomhdháil neamhfhoirmiúil na n-airí forbartha, 14 Meitheamh 2021
Na príomhthorthaí
Bhí malartú neamhfhoirmiúil tuairimí ag airí forbartha an Aontais maidir le tíortha meánioncaim – forbairt san idirthréimhse agus forbairt dhaonna.
Glacadh an Ionstraim nua um Chomharsanacht, Forbairt agus Comhar Idirnáisiúnta (NDICI-an Eoraip Dhomhanda) lena mbeifear in ann cur chuige níos comhtháite Aontais a chothú le tíortha comhpháirtíochta agus ina dhiaidh sin mhalartaigh siad tuairimí faoi conas is féidir comhoibriú le tíortha meánioncaim ar bhonn níos straitéisí.
Le linn an mhalartaithe sin bhí caint ar an mbuille trom a bhuail paindéim COVID-19 ar na tíortha meánioncaim agus ar an bpríomhról atá le himirt acu sa téarnamh domhanda agus an acmhainneacht is mó acusan athchóirithe éifeachtacha dinimiciúla a chur chun feidhme. Is féidir leis an Aontas cabhrú leis na tíortha sin ach tuilleadh tacaíochta a thabhairt dá bpleananna téarnaimh agus an fhís atá aige do théarnamh glas inbhuanaithe a roinnt leo.
Sa dara díospóireacht a bhí acu, phléigh na hairí slite nithiúla chun forbairt dhaonna a chothú go héifeachtach, agus luadh cur chuige Fhoireann na hEorpa sa chomhthéacs sin.
Dhírigh na hairí forbartha ar an tsláinte dhomhanda agus gníomhaíocht i dtaobh vacsaíní, agus ar an oideachas agus an óige le linn an téarnaimh iar-phaindéimigh.
Caithimid dlús a chur lenár dtacaíocht don oideachas agus don tsláinte, go háirithe do mhná agus don óige, ionas go mbeidh téarnamh éifeachtach ann. Tá siad ríthábhachtach don athrú.
Sin an chúis gur aontaíomar sprioc uaillmhianach a bhaint amach, agus 20%, ar a laghad, den chaiteachas oifigiúil ar chúnamh um fhorbairt sa tréimhse bhuiséadach reatha, a leithdháileadh ar fhorbairt dhaonna agus ar chuimsiú sóisialta.
Josep Borrell, an tArdionadaí do Ghnóthaí Eachtracha agus don Bheartas Slándála
Maidir le vacsaíní, chuir an tArd-Ionadaí i gcuimhne do na hairí go bhfuil breis is 600 milliún dáileog táirgthe ag an Aontas go dtí seo agus breis is 300 milliún díobh onnmhairithe lasmuigh den Aontas. Dáileadh 10% de na dáileoga sin trí scéim COVAX, a bhfuil an tAontas Eorpach ar cheann de na príomh-ranníocóirí uirthi.
Ansin phléigh na hairí conas is féidir tuilleadh tacaíochta a thabhairt do COVAX lena áirithiú go mbeidh rochtain shlán, chóir chothrom ag gach duine ar vacsaíní, agus conas an mhonaraíocht a mhéadú agus na córais sláinte i dtíortha comhpháirtíochta a neartú.
Gnó eile
Ag teacht le chéile di i bhfoirmíocht na Comhairle Fostaíochta, Beartais Shóisialta, Sláinte agus Gnóthaí Tomhaltóirí, d’fhormheas an Chomhairle conclúidí maidir leis an méid seo a leanas:
Is iad údaráis rialtais na tíre óstaí a láimhseálfaidh creidiúnú na meán le haghaidh cruinnithe mullaigh idirnáisiúnta a reáchtáiltear lasmuigh den Aontas Eorpach.
Caithimid dlús a chur lenár dtacaíocht don oideachas agus don tsláinte, go háirithe do mhná agus don óige, ionas go mbeidh téarnamh éifeachtach ann. Tá siad ríthábhachtach don athrú. Sin an chúis gur aontaíomar sprioc uaillmhianach a bhaint amach, agus 20%, ar a laghad, den chaiteachas oifigiúil ar chúnamh um fhorbairt sa tréimhse bhuiséadach reatha, a leithdháileadh ar fhorbairt dhaonna agus ar chuimsiú sóisialta.
