"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Vidjokonferenza informali tal-ministri għall-iżvilupp, 14 ta' Ġunju 2021
Riżultati ewlenin
Il-ministri tal-UE għall-iżvilupp qasmu l-fehmiet tagħhom b'mod informali dwar il-pajjiżi bi dħul medju (MICs)- żvilupp fi tranżizzjoni, u l-iżvilupp tal-bniedem.
L-ewwel skambju ta' fehmiet dwar kif jista' jkun hemm ħidma aktar strateġika mal-MICs seħħ ftit wara l-adozzjoni tal-Istrument il-ġdid ta' Viċinat, ta' Kooperazzjoni għall-Iżvilupp u ta' Kooperazzjoni Internazzjonali (NDICI-Ewropa Globali), li bih ikun possibbli approċċ tal-UE aktar integrat ma' pajjiżi sħab.
Fl-iskambju tagħhom il-ministri għall-iżvilupp semmew kif il-pajjiżi bi dħul medju ntlaqtu b'mod qawwi mill-pandemija tal-COVID-19, u kif jista' jkollhom rwol ewlieni fl-irkupru globali bl-akbar potenzjal billi jimplimentaw riformi effettivi u li jħarsu 'l quddiem. L-UE tista' tikkontribwixxi biex tagħmel differenza f'dawn il-pajjiżi billi tappoġġa aktar il-pjanijiet ta' rkupru tagħhom u taqsam magħhom il-viżjoni tagħha għal irkupru ekoloġiku u sostenibbli.
Fit-tieni dibattitu tagħhom il-ministri ddiskutew modi konkreti biex irawmu b'mod effettiv l-iżvilupp tal-bniedem, inkluż permezz ta' approċċ ta' Tim Ewropa.
Il-ministri għall-iżvilupp iffokaw b'mod partikolari fuq is-saħħa globali u l-azzjoni dwar it-tilqim, kif ukoll l-edukazzjoni u ż-żgħażagħ matul l-irkupru wara l-pandemija.
Sabiex ikun hemm irkupru effettiv irridu nżidu l-appoġġ tagħna għall-edukazzjoni u s-saħħa, speċjalment għan-nisa u ż-żgħażagħ. Dawn huma aġenti ewlenin għall-bidla.
Huwa għalhekk li qbilna li nilħqu mira ambizzjuża, billi nallokaw mill-inqas 20% tal-infiq fuq l-assistenza uffiċjali għall-iżvilupp, fil-perjodu baġitarju attwali, għall-iżvilupp tal-bniedem u l-inklużjoni soċjali.
Josep Borrell, Rappreżentant Għoli għall-Affarijiet Barranin u l-Politika ta' Sigurtà
Fir-rigward tat-tilqim, ir-Rappreżentant Għoli fakkar lill-ministri li s'issa l-UE pproduċiet aktar minn 600 miljun doża, li minnhom aktar minn 300 miljun ġew esportati barra mill-UE. 10% ta' dawn id-dożi tqassmu permezz tal-iskema COVAX, li l-Unjoni Ewropea hija waħda mill-kontributuri ewlenin tagħha.
Il-ministri mbagħad iddiskutew kif tista' tiġi appoġġata aktar il-COVAX, bħala mod biex jiġi żgurat aċċess sikur, ġust u ekwu għat-tilqim għal kulħadd, u kif tista' tiżdied il-manifattura u jissaħħu s-sistemi tas-saħħa fil-pajjiżi sħab.
Affarijiet oħra
Il-Kunsill, imlaqqa' fil-konfigurazzjoni tiegħu tal-Kunsill Impjiegi, Politika Soċjali, Saħħa u Affarijiet tal-Konsumatur , approva konklużjonijiet dwar:
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Sabiex ikun hemm irkupru effettiv irridu nżidu l-appoġġ tagħna għall-edukazzjoni u s-saħħa, speċjalment għan-nisa u ż-żgħażagħ. Dawn huma aġenti ewlenin għall-bidla. Huwa għalhekk li qbilna li nilħqu mira ambizzjuża, billi nallokaw mill-inqas 20% tal-infiq fuq l-assistenza uffiċjali għall-iżvilupp, fil-perjodu baġitarju attwali, għall-iżvilupp tal-bniedem u l-inklużjoni soċjali.
