Físchomhdháil neamhfhoirmiúil na n-airí trádála, 12 Feabhra 2025

Na príomhthorthaí

Bhí físchomhdháil neamhfhoirmiúil ag airí trádála an Aontais chun an caidreamh trádála idir an tAontas agus na Stáit Aontaithe a phlé agus chun an caidreamh leis na Stáit Aontaithe, mar atá le déanaí agus mar a d’fhéadfadh a bheith amach anseo, a mheas.

Ghlac an Coimisinéir um Thrádáil agus um Shlándáil Eacnamaíoch, Maroš Šefčovič, páirt i gcruinniú freisin.

Ba léir ón gcruinniú inniu go bhfuil na Ballstáit ag seasamh gualainn ar ghualainn agus iad meáite ar earnáil cruach agus alúmanaim na hEorpa a chosaint ar aon dhíchobhsú sa mhargadh. Cé go bhfuil tábhacht straitéiseach ag baint leis an gcomhpháirtíocht idir an tAontas agus na Stáit Aontaithe, tacóimid leis an gCoimisiún Eorpach agus beimid gníomhach i gcásanna den sórt sin agus freagróimid ar bhealach freagrach comhréireach nuair is gá. Ag an am céanna, is mian linn an comhar dearfach leis na Stáit Aontaithe a chothabháil ionas go mbeimid in ann na bacainní ar an margadh trasatlantach a bhaint agus an tslándáil eacnamaíoch a chothú.

Krzysztof Paszyk, Aire Forbartha agus Teicneolaíochta na Polainne

• An chomhpháirtíocht idir an tAontas agus na Stáit Aontaithe (eolas cúlra)
• Físchomhdháil neamhfhoirmiúil na n-airí trádála (an Uachtaránacht)