An Chomhairle um Ghnóthaí Ginearálta, 16/02/2016, 16 Feabhra 2016

Na príomhthorthaí

Faisnéis faoin gcruinniú

• An chaibidlíocht roimh an reifreann maidir leis an Aontas sa Ríocht Aontaithe - amlíne
• Teacht ar réitigh i ndáil leis an mbrú imirce (cúlra faisnéise)
• An Chomhairle Eorpach, an 18-19 Feabhra 2016

Chuir an Chomhairle bailchríoch ar na hullmhúcháin don chéad chruinniú eile a bheidh ag an gComhairle Eorpach sa Bhruiséil ar an 18 agus ar an 19 Feabhra. Thug na hAirí na cainteanna leanúnacha dá n-aire maidir le haghaidh a thabhairt ar chúiseanna imní na Ríochta Aontaithe d'fhonn teacht ar réiteach ag an gComhairle Eorpach roimh an reifreann istigh/amuigh sa Ríocht Aontaithe. Chuir siad in iúl gur gá teacht ar chomhaontú a rachaidh chun tairbhe don Eoraip i gcoitinne. Réitigh na hAirí an bealach freisin chun go ndéanfaidh na Ceannairí Stáit agus Rialtais measúnú ar chur chun feidhme na gcinntí a ghlac siad roimhe sin i réimse na himirce agus chun go ndíreoidh siad isteach ar dhúshláin reatha maidir leis an imirce.

Chuir an Chomhairle tús leis na hullmhúcháin don chruinniú den Chomhairle Eorpach a bheidh ar siúl i mí an Mhárta ar bhonn dréachtchlár oibre anótáilte. Ag a gcruinniú den 17-18 Márta 2016, fillfidh Ceannairí na hEorpa ar cheist na himirce agus pléifidh siad céimeanna breise. Labhróidh siad freisin faoin dóigh a gcuirfear fás chun cinn, a gcruthófar poist agus a gcuirfear feabhas ar iomaíochas.

• An Chomhairle Eorpach, 17-18 Márta 2016