An Chomhairle Gnóthaí Ginearálta, 16/10/2018, 16 Deireadh Fómhair 2018

Na príomhthorthaí

Comhairle Eorpach mhí Dheireadh Fómhair

Chuir an Chomhairle bailchríoch ar an ullmhúchán don Chomhairle Eorpach a bheidh ar siúl ar an 18 Deireadh Fómhair 2018 trí dhréachtchonclúidí a phlé.

Ag an gcruinniú sin, tá sé beartaithe ag ceannairí an Aontais saincheist na himirce a phlé an athuair. Tabharfaidh Seansailéir Chónaidhm na hOstaire, Sebastian Kurz, atá ina ionadaí d'Uachtaránacht na hOstaire ar an gComhairle, tuairisc ar an dul chun cinn atá déanta maidir le hathchóiriú an Chomhchórais Eorpaigh Tearmainn.

Glacfaidh an Chomhairle Eorpach conclúidí maidir leis an tslándáil inmheánach, tar éis dhíospóireacht théamach na gceannairí in Salzburg ar an 20 Meán Fómhair.

Ina theannta sin, pléifidh ceannairí an Aontais an caidreamh seachtrach, lena n-áirítear an chomhpháirtíocht leis an Afraic agus an cruinniú mullaigh, ar gearr uainn anois é, le Léig na nArabach.

• An Chomhairle Eorpach, 18 Deireadh Fómhair 2018

An smacht reachta sa Pholainn

Mar chuid de nós imeachta Airteagal 7(1) CAE, thug an Coimisiún an Chomhairle cothrom le dáta faoina bhfuil tite amach le déanaí maidir le hathchóiriú ar an gceartas sa Pholainn.

Chuir na hairí in iúl an athuair a thábhachtaí atá sé an smacht reachta a urramú i mBallstáit uile an Aontais agus chuir siad i dtreis an gá atá le dul chun cinn nithiúil a bhaint amach.

Fillfidh an Chomhairle ar an gceist sin.

• Togra réasúnaithe faoi Airteagal 7(1) CAE maidir leis an bPolainn

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV

Luachanna an Aontais Eorpaigh a urramú san Ungáir

Chuir an Uachtaránacht na hairí ar an eolas maidir leis na céimeanna nós imeachta is neasa i ndiaidh nós imeachta Airteagal 7(1) CAE a ghníomhachtú don Ungáir.

Tabharfaidh an Coimisiún na fíricí is déanaí don Chomhairle faoi na nósanna imeachta ábhartha maidir le sárú.

Tá sé curtha in iúl ag an Ungáir go bhfuil sí sásta rannchuidiú i scríbhinn i dtaca leis na saincheisteanna a cuireadh i dtogra réasúnaithe na Parlaiminte Eorpaí.

• Togra réasúnaithe faoi Airteagal 7(1) CAE maidir leis an Ungáir

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV

An chéad chreat airgeadais ilbhliantúil eile

Thug na hairí éisteacht do mheasúnú ón uachtaránacht maidir le staid na himeartha sa scrúdú ar na tograí ón gCoimisiún i ndáil leis an gcreat airgeadais ilbhliantúil do 2021-2027.

Thug an Chomhairle dá haire an tuarascáil i scríbhinn maidir le staid na himeartha a thíolaic an Uachtaránacht.

• Tuarascáil na hUachtaránachta maidir le staid na himeartha

  Níl an acmhainn seo ar fáil faoi láthair ach amháin sa teanga (sna teangacha) seo a leanas:

  EN BG ES CS DA DE ET EL FR HR IT LV LT HU MT NL PL PT RO SK SL FI SV

Le linn an lóin, phléigh na hairí saincheisteanna a bhain leis an taighde agus an nuálaíocht (Fís Eorpach), mar aon le riarachán poiblí Eorpach, fad a bhaineann sé le chéad bhuiséad fadtéarmach eile an Aontais Eorpaigh.