Kunsill Affarijiet Ġenerali
Kunsill Affarijiet Ġenerali, 16/10/2018, 16 ta' Ottubru 2018
Riżultati ewlenin
Kunsill Ewropew ta' Ottubru
Il-Kunsill iffinalizza t-tħejjijiet għal-laqgħa tal-Kunsill Ewropew tat-18 ta' Ottubru billi ddiskuta l-abbozz ta' konklużjonijiet.
F'din il-laqgħa l-mexxejja tal-UE mistennija jerġgħu jiddiskutu l-kwistjoni tal-migrazzjoni. Il-Kanċillier Sebastian Kurz, li jirrappreżenta lill-presidenza Awstrijaka, ser jirrapporta dwar il-progress fir-riforma tas-Sistema Ewropea Komuni tal-Asil.
Il-Kunsill Ewropew ser jadotta konklużjonijiet dwar is-sigurtà interna, wara d-dibattitu tematiku tal-Mexxejja f'Salzburg fl-20 ta' Settembru.
Il-mexxejja tal-UE ser jiddiskutu wkoll ir-relazzjonijiet esterni, inkluż is-sħubija mal-Afrika u s-summit li ġej mal-Lega tal-Istati Għarab.
Stat tad-dritt fil-Polonja
Bħala parti mill-proċedura tal-Artikolu 7(1) TUE, il-Kummissjoni aġġornat lill-Kunsill dwar l-aħħar żviluppi marbutin mar-riforma tal-ġustizzja fil-Polonja.
Il-ministri tennew l-importanza li jitħares l-istat tad-dritt fl-istati membri kollha tal-UE u saħaq fuq il-ħtieġa li jsir progress tanġibbli.
Il-Kunsill ser jerġa' jiddiskuti din il-kwistjoni.
Rispett tal-valuri tal-UE fl-Ungerija
Il-presidenza għarrfet lill-ministri dwar il-passi proċedurali li jmiss wara li ngħata bidu għall-proċedura tal-Artikolu 7(1) TUE għall-Ungerija.
Il-Kummissjoni ser taġġorna lill-Kunsill dwar il-fatti marbutin mal-proċeduri rilevanti ta' ksur.
L-Ungerija wriet li lesta tipprovdi kontribut bil-miktub dwar il-kwistjonijiet li tqajmu fil-proposta motivata tal-Parlament Ewropew.
Il-qafas finanzjarju pluriennali li jmiss
Il-ministri semgħu valutazzjoni mill-presidenza dwar is-sitwazzjoni attwali fl-eżami tal-proposti tal-Kummissjoni b'rabta mal-qafas finanzjarju pluriennali għall-perjodu mill-2021 sal-2027.
Il-Kunsill ħa nota tar-rapport bil-miktub dwar is-sitwazzjoni attwali ppreżentat mill-presidenza.
Waqt l-ikla ta' nofsinhar il-ministri ddiskutew kwistjonijiet marbutin mar-riċerka u l-innovazzjoni (Orizzont Ewropa), kif ukoll l-Amministrazzjoni Pubblika Ewropea, fil-kuntest tal-baġit fit-tul li jmiss tal-UE.
Dokumenti tal-laqgħat
Dokumenti ta' tħejjija
Dokumenti ta' eżitu
Tagħrif għall-istampa
Kuntatti għall-istampa
-
Dimosthenis Mammonas Press officer
- +32 477 61 20 77
- +32 2 281 2504
Jekk m'intix ġurnalist(a), jekk jogħġbok ibgħat it-talba tiegħek lis-servizz għall-informazzjoni tal-pubbliku.
Akkreditazzjoni u avvenimenti għall-istampa
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Kompli segwina
- Irreġistra għall-allerti bl-email tagħna biex tirċievi aġġornamenti dwar din il-laqgħa u laqgħat simili.
- Segwi @EUCouncilPressgħall-aħħar aġġornamenti għall-istampa.
- Hashtag fuq X: #GAC
Ritratti u filmati
Laqgħat oħra: Kunsill Affarijiet Ġenerali
Laqgħat li seħħew
L-aħħar reviżjoni: 8 ta' Jannar 2025