An tríú cruinniú aireachta idir an tAontas Eorpach agus an tAontas Afracach, 21 Bealtaine 2025

Tháinig airí gnóthaí eachtracha an Aontais Eorpaigh agus an Aontais Afracaigh le chéile den tríú huair chun an dul chun cinn a rinneadh ó bhí an séú cruinniú mullaigh idir an tAontas Eorpach agus an tAontas Afracach ann i mí Feabhra 2022 a mheas.

Bhí seisiún tuairimíochta ag na hairí maidir leis an gcomhpháirtíocht idir an tAontas Eorpach agus an tAontas Afracach agus maidir leis an gcaoi leis an gcomhar a neartú a thuilleadh sa bhliain chinniúnach seo chun 25 bliana dá gcomhpháirtíocht bhuan uathúil a chomóradh.

Le linn an chruinnithe, díríodh an plé ar na hábhair seo a leanas:

• an tsíocháin, an tslándáil agus rialachas
• an t-iltaobhachas
• an rathúnas
• na saoránaigh, an imirce agus an tsoghluaisteacht

Rinne Kaja Kallas, Ardionadaí an Aontais Eorpaigh do Ghnóthaí Eachtracha agus don Bheartas Slándála, agus an tAire um Chaidreamh Seachtrach Angóla, Tete António, Cathaoirleach Chomhairle Feidhmiúcháin an Aontais Afracaigh comhchathaoirleacht ar an gcruinniú.

Is tosaíocht gheopholaitiúil de chuid an Aontais í an Afraic tráth atá méadú tagtha ar an luaineacht gheopholaitiúil.

Is iad an tAontas agus a Bhallstáit an príomh-chomhpháirtí trádála, an príomhinfheisteoir, an príomhsholáthraí cúnaimh oifigiúil um fhorbairt agus cabhrach daonnúla don Afraic; rinneadh €309 mbilliún d’Infheistíochtaí Díreacha Coigríche san Afraic in 2022.

Tá an Chomhpháirtíocht idir an tAontas Eorpach agus an tAontas Afracach 25 bliana ar an bhfód i mbliana. Is bliain ríthábhachtach í don chomhpháirtíocht agus an 3ú cruinniú aireachta idir an tAontas Eorpach agus an tAontas Afracach agus an 7ú Cruinniú Mullaigh idir an tAontas Eorpach agus an tAontas Afracach san Afraic ar siúl.

Tig leis an Aontas agus leis an Afraic a bheith ina bhfórsa cumhachtach ach iad ag gníomhú le chéile.

• Ráiteas comhpháirteach tar éis an 3ú Cruinniú Aireachta idir an tAontas Eorpach agus an tAontas Afracach, an 21 Bealtaine 2025.
• Réamhthuarascáil Faireacháin
• An caidreamh idir an tAontas Eorpach agus an Afraic (eolas cúlra)