It-Tielet Laqgħa Ministerjali bejn l-Unjoni Ewropea u l-Unjoni Afrikana, 21 ta' Mejju 2025

Il-ministri għall-affarijiet barranin tal-Unjoni Ewropea u tal-Unjoni Afrikana ltaqgħu għat-tielet darba biex jevalwaw il-progress li sar mis-sitt Summit UE-UA ta' Frar 2022.

Il-ministri qasmu l-fehmiet tagħhom dwar is-sħubija UE-UA u dwar kif tista' tissaħħaħ aktar il-kooperazzjoni f'din is-sena importanti li tfakkar il-25 anniversarju tas-sħubija dejjiema u unika tagħhom.

Matul il-laqgħa, id-diskussjonijiet iffukaw fuq is-suġġetti li ġejjin:

• il-paċi, is-sigurtà u l-governanza
• il-multilateraliżmu
• il-prosperità
• il-persuni, il-migrazzjoni u l-mobbiltà

Il-laqgħa kienet kopreseduta mir-Rappreżentant Għoli tal-Unjoni Ewropea għall-Affarijiet Barranin u l-Politika ta' Sigurtà, Kaja Kallas, u l-Ministru għar-Relazzjonijiet Esterni tal-Angola, Tete António, President tal-Kunsill Eżekuttiv tal-UA.

L-Afrika hija prijorità ġeopolitika tal-UE fi żmien ta' volatilità ġeopolitika li żdiedet.

L-UE u l-istati membri tagħha jibqgħu l-ewwel sieħeb kummerċjali, l-ewwel investitur, l-ewwel Għajnuna Uffiċjali għall-Iżvilupp u donatur umanitarju għall-Afrika, bi €309 biljun f'Investimenti Diretti Barranin fl-Afrika fl-2022.

Is-sena 2025 tfakkar il-25 anniversarju tas-Sħubija UE-UA u hija sena kruċjali għas-sħubija, peress li ser tinkludi t-tielet laqgħa Ministerjali UE-UA u s-seba' Summit UE-UA fl-Afrika.

L-UE u l-Afrika jistgħu jkunu forza b'saħħitha meta jaġixxu flimkien.

• Komunikat konġunt wara t-Tielet Laqgħa Ministerjali UE-UA, 21 ta' Mejju 2025.
• Rapport Preliminari ta' Monitoraġġ
• Relazzjonijiet UE-Afrika (informazzjoni ġenerali)