"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.

Żur il-paġna tal-politika tal-cookies tagħna għal aktar informazzjoni u biex tibdel is-settings tiegħek.

български español čeština dansk Deutsch eesti Ελληνικά English français Gaeilge hrvatski italiano latviešu lietuvių magyar Malti Nederlands polski português română slovenčina slovenščina suomi svenska
Skip to content

Att dwar is-Swieq Diġitali

Il-Presidenza tal-Kunsill u l-Parlament Ewropew iffirmaw l-Att dwar is-Swieq Diġitali (DMA) fl-14 ta' Settembru 2022.

Id-DMA għandu l-għan li jiżgura settur diġitali kompetittiv u ġust bil-ħsieb li jiġu promossi l-innovazzjoni, prodotti u servizzi diġitali ta' kwalità għolja u prezzijiet aktar ġusti għall-konsumaturi.

Infografika dwar l-att dwar is-swieq diġitali, li tiddeskrivi x'inhu u l-fatti relatati miegħu

X'inhu l-Att dwar is-Swieq Diġitali (DMA)?

Huwa ġabra ġdida ta' regoli tal-UE li ser tiżgura kompetizzjoni ġusta fuq il-pjattaformi diġitali.

Fatti:

  • Illum, hemm 'il fuq minn 10 000 pjattaforma online għal SMEs b'rata għolja ta' tkabbir joperaw fl-ekonomija diġitali tal-UE.
  • Għadd żgħir biss ta' pjattaformi online kbar, magħrufa bħala l-"gwardjani", għandhom l-ikbar sehem tas-suq.

Il-gwardjani huma pjattaformi diġitali:

  1. b'aktar minn 45 miljun utent finali attiv kull xahar
  2. b'fatturat ta' €7.5 biljun jew aktar fl-aħħar tliet snin finanzjarji

Il-gwardjani mhux ser jitħallew:

  • jippromwovu żżejjed il-prodotti tagħhom
  • jillimitaw il-possibbiltajiet ta' ħlas għall-metodu ta' ħlas tagħhom stess
  • jużaw mill-ġdid data personali miġbura matul servizz wieħed għall-finijiet ta' servizz ieħor
  • jimponu kundizzjonijiet inġusti fuq l-utenti kummerċjali
  • jinstallaw minn qabel ċerti applikazzjonijiet tas-software
  • jirrestrinġu l-utenti kummerċjali tal-pjattaformi
  • jużaw ċerti prattiki ta' raggruppament (bejgħ ta' oġġetti differenti bħala pakkett)

Il-kumpaniji li ma jikkonformawx mal-obbligi l-ġodda jirriskjaw multi sa 10% tal-fatturat madwar id-dinja jew sa 20% fil-każ ta' reċidività.

L-implimentazzjoni tal-Att Ewropew dwar is-Swieq Diġitali ser:

  • toħloq kompetizzjoni aktar ġusta għan-negozji diġitali
  • tiġġenera aktar innovazzjoni
  • tipprovdi protezzjoni għall-konsumaturi