Semestru Ewropew
Semestru Ewropew
Kronoloġija
Fażi preparatorja: analiżi tas-sitwazzjoni u segwitu tas-sena preċedenti
Fażi 1: gwida politika fil-livell tal-UE
Fażi 2: gwida speċifika għall-pajjiżi
Fażi 3: implimentazzjoni
Lejn l-aħħar tas-sena jibda ċiklu ġdid, meta l-Kummissjoni tipprovdi ħarsa ġenerali lejn is-sitwazzjoni ekonomika għas-sena li jmiss.
Min jagħmel xiex?
Il-Kummissjoni Ewropea tippubblika l-"pakkett tal-ħarifa":
- politiki ekonomiċi u fiskali: stħarriġ annwali dwar it-tkabbir sostenibbli
- abbozz ta' rakkomandazzjoni għaż-żona tal-euro
- koordinazzjoni soċjoekonomika: abbozz ta' rapport konġunt dwar l-impjiegi
- żbilanċi makroekonomiċi: rapport dwar il-mekkaniżmu ta' twissija (evalwazzjonijiet fil-fond tal-pajjiżi f'riskju ta' żbilanċi makroekonomiċi)
Il-Kunsill tal-UE:
- jiddiskuti u japprova konklużjonijiet dwar l-istħarriġ dwar it-tkabbir u r-rapport dwar il-mekkaniżmu ta' twissija
- japprova rakkomandazzjonijiet għaż-żona tal-euro
- jaddotta rapport konġunt finali dwar l-impjiegi
Il-Parlament Ewropew:
- jista' jiddiskuti u jippubblika r-rapport propju tiegħu dwar l-istħarriġ dwar it-tkabbir
- jipprovdi opinjoni dwar il-linji gwida dwar l-impjiegi
Il-Kunsill Ewropew (kapijiet ta' stat jew ta' gvern) jipprovdi gwida politika.
L-istati membri:
- jindikaw l-objettivi, il-prijoritajiet u l-pjanijiet ta' riforma u investiment speċifiċi tagħhom
- iħejju rapport ta' progress annwali (mill-2025).
Il-Kummissjoni Ewropea tippubblika rakkomandazzjonijiet speċifiċi għall-pajjiżi, rapporti dwar il-pajjiżi u klassifikazzjoni aġġornata tal-pajjiżi fil-kuntest tal-proċedura ta' żbilanċ makroekonomiku (il-"pakkett tar-rebbiegħa").
Il-Kunsill tal-UE jaqbel dwar ir-rakkomandazzjonijiet finali speċifiċi għall-pajjiżi.
Il-Kunsill Ewropew jiddiskutihom.
Il-Kunsill tal-UE jadottahom.
L-istati membri jqisu r-rakkomandazzjonijiet fil-proċess tat-teħid ta' deċiżjonijiet nazzjonali dwar il-baġits nazzjonali tas-sena li jmiss.
L-aħħar reviżjoni: 4 ta' Frar 2025