Kunsill Ambjent, 18/09/2015, 18 ta' Settembru 2015

 Carole Dieschbourg, il-Ministru Lussemburgiż għall-Ambjent u President tal-Kunsill qalet: "B'dan il-Mandat l-UE ser tkompli turi . Dawn ser ipattu għad-differenza bejn il-miri għat-tnaqqis fuq żmien qasir u l-għan fit-tul."

Riżultati ewlenin

Il-Kunsill adotta konklużjonijiet li jistabbilixxu l-pożizzjoni tal-UE għall-konferenza tan-NU dwar it-tibdil fil-klima li ser issir f’Pariġi aktar tard din is-sena. Il-mandat jistabbilixxi l-viżjoni tal-UE għall-ftehim ġdid dwar il-klima li għandu jiġi adottat waqt il-konferenza. 

L-UE ser ikollha bħala għan li tilħaq ftehim ambizzjuż, legalment vinkolanti u dinamiku, bl-objettiv li t-tisħin globali jinżamm taħt 2°C. Sabiex jinkiseb dan l-objettiv, il-Kunsill saħaq li jeħtieġ li l-emissjonijiet globali ta' gass b'effett ta' serra jilħqu l-quċċata tagħhom sa mhux aktar tard mill-2020, jitnaqqsu b'mhux anqas minn 50% sal-2050 meta mqabbla mal-1990, u jkunu qrib jew taħt iż-żero sal-2100.

Carole Dieschbourg, il-Ministru Lussemburgiż għall-Ambjent u President tal-Kunsill qalet: "B'dan il-Mandat l-UE ser tkompli turi rwol ta' tmexxija fit-tħejjija għal Pariġi u tiffaċilita ftehim globali li jkun aċċettabbli għall-partijiet kollha. Dan il-mandat ser iwitti t-triq għal ftehim ambizzjuż, robust u dinamiku dwar il-klima b'ċikli ta' rieżami. Dawn ser joħolqu rabta bejn il-miri ta' tnaqqis fuq żmien qasir u l-għan fit-tul." 

Il-President Dieschbourg enfasizzat ukoll li: "Il-ħidma vera tibda wara Pariġi. Ninsab ċerta li l-UE ser timplimenta l-impenji tagħha b'mod responsabbli u għandha potenzjal kbir li tnaqqas l-emissjonijiet globali ta' gass b'effett ta' serra. Għandna nibbażaw fuq il-politika ta' suċċess diġà fis-seħħ." 

• Konklużjonijiet tal-Kunsill dwar il-mandat tal-UE għal Pariġi 2015
• Eżitu tal-laqgħa tal-Kunsill