Kunsill Ambjent, 16/12/2015, 16 ta' Diċembru 2015

Riżultati ewlenin

Kwalità tal-arja

Il-Kunsill qabel dwar approċċ ġenerali għal direttiva ġdida biex jitnaqqsu l-emissjonijiet nazzjonali ta' ċerti sustanzi li jniġġsu. Dan il-qbil ser iservi bħala bażi biex jibdew in-negozjati mal-Parlament Ewropew.

Din il-proposta leġislattiva, li tirrevedi l-limiti massimi nazzjonali attwali għall-emissjonijiet, għandha l-għan li tindirizza r-riskji għas-saħħa u l-impatti ambjentali maħluqa mit-tniġġis tal-arja.

Il-Ministri semgħu liċ-ċittadini kollha li tkellmu favur politiki ambizzjużi fil-qasam tal-bijodiversità. Aħna nittrasmettu sinjal ċar: il-bijodiversità għandha ħafna kobenefiċċji għas-soċjetà. Id-direttivi eżistenti dwar n-natura jiffunzjonaw, jagħtu riżultat u m’għandhomx jerġgħu jinfetħu” Carole Dieschbourg, Ministru għall-Ambjent tal-Lussemburgu

Bijodiversità

Il-Kunsill adotta konklużjonijiet dwar ir-rieżami ta’ nofs it-terminu tal-2015 tal-istrateġija tal-UE għall-bijodiversità. Il-Ministri ssottolinjaw l-oqsma fejn teħtieġ aktar ħidma sabiex jintlaħqu l-miri. L-għan għall-2020 hu li jitwaqqaf it-telf tal-bijodiversità u d-degradazzjoni tas-servizzi tal-ekosistemi u li dawn jerġgħu jissaħħu sa fejn dan ikun fattibbli.