"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Is-Summit tal-Euro f’format estiż tal-mexxejja tal-UE27 ta ħarsa lejn is-sitwazzjoni ekonomika flimkien mal-President tal-Bank Ċentrali Ewropew (BĊE) Mario Draghi.
Il-mexxejja ddiskutew ukoll il-ħidma li saret mill-Grupp tal-Euro dwar l-approfondiment tal-Unjoni Ekonomika u Monetarja (UEM), b’mod partikolari:
strument baġitarju għall-konverġenza u l-kompetittività (BICC) għaż-żona tal-euro
bidliet għat-trattat li jistabbilixxi l-Mekkaniżmu Ewropew ta’ Stabbiltà (MES)
it-tisħiħ tal-unjoni bankarja
Is-Summit tal-Euro laqa’ l-progress li sar mill-Grupp tal-Euro u stiednu biex ikompli jaħdem fuq l-elementi kollha tal-pakkett.
Il-Grupp tal-Euro f’format inklużiv ser ikompli l-ħidma tiegħu fuq l-istrument baġitarju taż-żona tal-euro, li eventwalment ser jiġi integrat fil-baġit fit-tul tal-UE. L-għan tagħna huwa li jintlaħaq ftehim dwar dan il-baġit sal-aħħar tas-sena. Il-mexxejja jistennew ukoll li t-Trattat dwar il-MES rivedut jiġi finalizzat sa tmiem l-2019.
Donald Tusk, President tas-Summit tal-Euro
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Il-Grupp tal-Euro f’format inklużiv ser ikompli l-ħidma tiegħu fuq l-istrument baġitarju taż-żona tal-euro, li eventwalment ser jiġi integrat fil-baġit fit-tul tal-UE. L-għan tagħna huwa li jintlaħaq ftehim dwar dan il-baġit sal-aħħar tas-sena. Il-mexxejja jistennew ukoll li t-Trattat dwar il-MES rivedut jiġi finalizzat sa tmiem l-2019.
