Grupp tal-Euro, 25/06/2015, 25 ta' Ġunju 2015

Eżitu

Il-Grupp tal-Euro ngħata aġġornament dwar is-sitwazzjoni attwali tan-negozjati intensivi bejn l-istituzzjonijiet (il-Kummissjoni Ewropea, il-Bank Ċentrali Ewropew u l-Fond Monetarju Internazzjonali) u l-awtoritajiet Griegi dwar il-pjan ta' riforma komprensiv tal-Greċja. 
 
Il-ftehim dwar il-pjan huwa prekondizzjoni għal tlestija b'suċċess tar-rieżami attwali tal-programm li għaddej tal-Greċja u biex tiġi rilaxxata l-assistenza finanzjarja li jonqos. Il-ftehim bejn il-Greċja u l-Faċilità Ewropea ta’ Stabbiltà Finanzjarja (EFSF) jiskadi fit-30 ta’ Ġunju 2015.
 
Il-ministri qablu li l-istituzzjonijiet jivvalutaw l-aktar proposti reċenti mill-awtoritajiet Griegi, li ġew ippreżentanti fil-25 ta' Ġunju, qabel il-laqgħa tal-Grupp tal-Euro.
 
L-istituzzjonijiet infurmaw lill-Grupp tal-Euro li l-pożizzjonijiet għadhom differenti dwar għadd ta' kwistjonijiet. Il-ministri stiednu lill-awtoritajiet Griegi biex jaċċettaw il-proposta mill-istituzzjonijiet. 
 
Il-President tal-Grupp tal-Euro Jeroen Dijsselbloem ser jinforma lill-kapijiet ta' stat jew ta' gvern dwar l-istat attwali fil-laqgħa tal-Kunsill Ewropew li ssir fl-istess jum  (25 ta' Ġunju 2015).
 
Aktarx li l-Grupp tal-Euro ser jerġa' jiltaqa' nhar is-Sibt, 27 ta' Ġunju 2015.

• Summit taż-żona tal-euro, 22 ta' Ġunju 2015
• Laqgħa tal-Kunsill Ewropew, 25-26 ta' Ġunju 2015