Grupp tal-Euro, 15 ta' Settembru 2023

Riżultati ewlenin

Żviluppi makroekonomiċi

Il-Grupp tal-Euro ddiskuta l-iżviluppi makroekonomiċi u l-koordinazzjoni tal-politika. Il-Kummissjoni Ewropea ppreżentat it-tbassir ekonomiku (interim) tas-sajf tagħha, u l-Bank Ċentrali Ewropew (BĊE) aġġorna lill-ministri dwar il-politika monetarja. Irene Tinagli, president tal-kumitat għall-affarijiet ekonomiċi u monetarji tal-Parlament Ewropew, ġiet mistiedna tieħu sehem fl-iskambju ta' fehmiet.

Ir-reżiljenza ġenerali taż-żona tal-euro għadha ċara ħafna. Il-politika fiskali għandha tkun prudenti u jeħtieġ li taħdem f'allinjament mal-bidliet fil-politika monetarja.

Paschal Donohoe, President tal-Grupp tal-Euro

Proċess tal-għażla għal membru ġdid tal-Bord Eżekuttiv tal-BĊE

Il-Grupp tal-Euro ta l-appoġġ tiegħu għall-kandidatura ta' Piero Cipollone biex isir membru ġdid tal-Bord Eżekuttiv tal-Bank Ċentrali Ewropew, biex jissostitwixxi l-membru tal-Bord Eżekuttiv tal-BĊE li ser jispiċċa, Fabio Panetta.

• Bord Eżekuttiv tal-BĊE: il-Grupp tal-Euro jappoġġa l-kandidatura ta' Piero Cipollone (stqarrija għall-istampa, 15 ta' Settembru 2023)
• Dikjarazzjoni mill-President tal-Grupp tal-Euro Paschal Donohoe dwar il-kandidati għall-kariga ta' membru tal-Bord Eżekuttiv tal-BĊE (stqarrija għall-istampa, 30 ta' Awwissu 2023)
• Ħatra tal-Bord Eżekuttiv tal-BĊE (infografika)

Aġġornament dwar ir-ratifika tat-trattat dwar il-Mekkaniżmu Ewropew ta' Stabbiltà (MES)

Il-Grupp tal-Euro evalwa l-progress li sar bir-ratifika tat-trattat dwar il-MES u ġie infurmat dwar il-ħidma teknika li għaddejja mill-MES.