"Il-cookies jintużaw biex intejbu l-esperjenza ta' navigazzjoni tiegħek. Il-cookies meħtieġa huma neċessarji biex jappoġġaw karatteristiċi essenzjali tas-sit web tal-Kunsill. Il-cookies fakultattivi jgħinuna nipproduċu rapporti statistiċi anonimi u aggregati biex naqdu aħjar il-ħtiġijiet tiegħek.
Bil-permess tiegħek, ser nużaw cookies biex nipproduċu data aggregata anonima dwar in-navigazzjoni u l-imġiba tal-viżitaturi fuq is-sit web tagħna. Ser nużaw din id-data biex intejbu l-esperjenza tiegħek tan-navigazzjoni fuq is-sit web tagħna.
Filmat tal-punti ewlenin mil-laqgħa tal-Grupp tal-Euro li saret fit-8 ta' Novembru fi Brussell
F'format regolari:
Żviluppi makroekonomiċi
Bħala parti mill-monitoraġġ regolari tal-Grupp tal-Euro tal-iżviluppi ekonomiċi, l-istituzzjonijiet ipprovdew l-analiżi tagħhom tal-iżviluppi makroekonomiċi l-aktar reċenti, inkluż l-inflazzjoni, u l-implikazzjonijiet possibbli għall-koordinazzjoni fiskali.
Abbażi ta' dan, il-ministri rriflettew fuq l-isfidi ewlenin fil-futur għall-prospetti makroekonomiċi u baġitarji għall-2024, bħala tħejjija tal-bażi għad-diskussjoni tal-Grupp tal-Euro f'Diċembru dwar l-abbozzi ta' pjanijiet baġitarji.
Kompetittività taż-żona tal-euro
Bħala parti minn fluss ta' ħidma ġdid dwar il-kompetittività taż-żona tal-euro u abbażi ta' nota mħejjija mill-Kummissjoni Ewropea, il-Grupp tal-Euro kellu l-ewwel diskussjoni ffukata fuq is-sitwazzjoni attwali tal-kompetittività taż-żona tal-euro, l-isfidi u l-kompromessi politiċi ewlenin tal-futur.
Hekk kif issir diskussjoni madwar l-Unjoni Ewropea dwar il-livell ta' kompetittività li ngawdu fi ħdan l-ekonomija globali, kif qed tinbidel, u x'jeħtieġ li jsir, jien impenjat li niżgura li l-Grupp tal-Euro u l-ministri għall-finanzi jkollhom vuċi f'dak id-dibattitu u li l-fehmiet tagħhom dwar x'għandna nagħmlu fil-futur għall-ekonomiji tagħna ikunu ċari u enfasizzati.
Paschal Donohoe, President tal-Grupp tal-Euro
Il-ministri tal-pajjiżi li jagħmlu parti mill-unjoni bankarja semgħu r-rapporti biannwali tal-presidenti tal-Mekkaniżmu Superviżorju Uniku u tal-Bord Uniku ta' Riżoluzzjoni. Iddiskutew is-saħħa tas-sistema bankarja u x'għad fadal li jsir biex nippreservaw ir-reżiljenza tas-sistema tagħna u nindirizzaw l-isfidi tal-futur.
Aħna rrikonoxxejna s-saħħa tas-sistema bankarja u finanzjarja tagħna, li wriet ir-reżiljenza tagħha quddiem diversi xokkijiet. Dan huwa riżultat tal-azzjoni deċiżiva li ttieħdet fil-livell Ewropew.
Paschal Donohoe, President tal-Grupp tal-Euro
Wara l-approċċ maqbul f'Mejju mill-Grupp tal-Euro f'format inklużiv, il-ministri komplew l-iskambju ta' fehmiet tagħhom mal-parteċipanti fis-suq dwar il-futur tas-swieq kapitali u finanzjarji Ewropej. L-enfasi kienet fuq l-investituri istituzzjonali, inkluż il-fondi ta' investimenti sovrani u l-fondi tal-pensjonijiet, u l-parteċipazzjoni fil-livell tal-konsumaturi.
Ilkoll nafu li hemm potenzjal enormi biex tingħata spinta lill-investiment bl-imnut u istituzzjonali fl-Unjoni Ewropea, u l-Kummissjoni diġà għandha inizjattivi tassew importanti li għaddejjin f'dan ir-rigward. Irridu nibnu fuq dik il-ħidma u nħarsu lejn kif nistgħu niħduha fil-livell li jmiss.
Paschal Donohoe, President tal-Grupp tal-Euro
Il-Grupp tal-Euro ddiskuta mal-mistednin tiegħu dwar kif jista' jissaħħaħ il-kontribut tal-investituri istituzzjonali għas-swieq kapitali Ewropej, b'enfasi partikolari fuq l-istrateġiji ta' investiment u fuq l-indirizzar tal-frammentazzjoni tas-swieq kapitali tal-UE.
Għal informazzjoni ġenerali dwar l-akkreditazzjoni, jekk jogħġbok żur din il-paġna.
L-akkreditazzjoni tal-media għas-summits internazzjonali li jsiru barra mill-Unjoni Ewropea ser tiġi ttrattata mill-awtoritajiet governattivi tal-pajjiż ospitanti.
Hekk kif issir diskussjoni madwar l-Unjoni Ewropea dwar il-livell ta' kompetittività li ngawdu fi ħdan l-ekonomija globali, kif qed tinbidel, u x'jeħtieġ li jsir, jien impenjat li niżgura li l-Grupp tal-Euro u l-ministri għall-finanzi jkollhom vuċi f'dak id-dibattitu u li l-fehmiet tagħhom dwar x'għandna nagħmlu fil-futur għall-ekonomiji tagħna ikunu ċari u enfasizzati.